މިދިޔަ އަހަރު ރިލިޒްކުރި ހޮލީވުޑްގެ ކާމިޔާބު ފިލްމު "ބާބީ" ގެ ޓައިޓްލް ރޯލު ކުޅުނު ބަތަލާ މާގޯ ރޮބީ އަށް ފިރިހެން ކުއްޖަކު ލިބިއްޖެ އެވެ.
މިއީ އޮސްޓްރޭލިއާ އަށް އުފަން 34 އަހަރުގެ ބަތަލާގެ އަލަތު ދަރިފުޅެވެ. މާގޯގެ ފިރިމީހާ އަކީ އިނގިރޭސިވިލާތަށް ނިސްބަތްވާ ޕްރޮޑިއުސަރު ޓޮމް އެކަލީ، 34، އެވެ. އެ ދެ މީހުން ކައިވެނިކުރީ 2016 ގަ އެވެ.
މިދިޔަ އަހަރުގެ ޖުލައިގައި ރިލީޒްކޮށް، ބޮކްސް އޮފީހުގައި 1.446 ބިލިއަން ޑޮލަރުގެ އާމްދަނީއެއް ހޯދި "ބާބީ" ގެ ޕްރޮޑިއުސަރަކީ ވެސް ޓޮމް އެވެ.
މިހާތަނަށް ކާމިޔާބު އެތައް ފިލްމެއް ކުޅެފައިވާ މާގޯގެ ކުރިއަށް ހުރި ފިލްމުތަކުގެ ތެރޭގައި "އަ ބިގް ބޯލްޑް ބިއުޓިފުލް ޖާނީ" ހިމެނެ އެވެ.