ފުލުހުން ތަހުގީގު ކުރަމުން އަންނަ މައްސަލައަކަށް އައްޑޫ ހިތަދޫ މީހަކު ހޯދަން މިއަދު އިއުލާންކޮށްފި އެވެ.
ހޯދަނީ އެ އަވަށު ޖެމިސްކޯ، ފައިސަލް ހަސަން، 42، އެވެ.
ފުލުހުން ބުނީ އޭނަ ހޯދަނީ ހުޅުމާލެ ފޭސް ދޭއްގެ ޕޮލިސް ސްޓޭޝަނުން ތަހުގީގު ކުރަމުން އަންނަ، މައްސަލައެއްގެ ތަހުގީގަށް ހާޒިރު ކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދު ކުރެވިފައި ނުވާތީ ކަމަށެވެ. ނަމަވެސް އޭނަ ހޯދަނީ ސީދާ ކޮން ކަހަލަ މައްސަލައެއްގައި ކަމެއް ފުލުހުން ހާމައެއް ނުކުރެ އެވެ.
ފުލުހުން ވަނީ މި މަހުގެ 11 ވަނަ ދުވަހުގެ ހެނދުނު 11:00 އަށް ނުވަތަ ވީ އެންމެ އަވަހަކަށް ފައިސަލް ފޭސް ދޭއްގެ ޕޮލިސް ސްޓޭޝަނަށް ހާޒިރުވުމަށް އަންގައިފަ އެވެ.