އިންޑިއާގެ މަޝްހޫރު ފިލްމީ ތަރި، މިތުން ޗަކްރަބަތީގެ ފުރަތަމަ އަންހެނުން ހެލީނާ ލޫކް މަރުވެއްޖެ އެވެ.
މީޑިއާތަކުން މިއަދު ބުނީ ސިއްހީ ގިނަ މައްސަލަތަކެއް ދިމާވެފައިވާތާ ގިނަަ ދުވަސްތަކެއް ފަހުން އޭނަ މިއަދު މަރުވީ އެމެރިކާގައި ކަމަށެވެ. ހެލީނާ މަރުވި އިރު، އިއްޔެ އޭނަ ސޯޝަލް މީޑިއާ ޕޯސްޓެއް ވެސް ކޮށްފައިވެ އެވެ. ފޭސްބުކް އެ ޕޯސްޓްގައި ލިޔެފައި އިނީ "ފީލިން ވިއަޑް. މިކްސްޑް އިމޯޝަންސް އެންޑް ނޯ ކްލޫ…ވާއި" އެވެ.
ހެލީނާ، 68، އަކީ އަމީތާބް ބައްޗަންގެ 1985 ގެ ފިލްމު "މަރުދު" ގައި ލޭޑީ ހެލީނާގެ ރޯލު ކުޅުނު ބަތަލާ އެވެ. އޭނަ އާއި މިތުން ކައިވެނިކުރީ 1979 ގަ އެވެ. އަދި ކައިވެންޏަށް ހަތަރު މަސް ފަހުން، ކައިވެނި ރޫޅުނެވެ. އޭގެ ފަހުން ހަމަ އެ އަހަރު ބަތަލާ ޔޮގީތާ ބާލީއާ، މިތުން ކައިވެނިކުރި އެވެ.
އެ ކައިވެންޏަށް ހަތަރު ދަރިން ލިބިފައިވާ އިރު، މިތުން، 74، ގެ ދޮށީ ދަރިފުޅު މަހާކްޝޭ ޗަކްރަބަތީ މިމޯ) ވަނީ ކައިވެނި ވެސްކޮށްފަ އެވެ.