މި އަހަރުގެ މިހާތަނަށް ރިލީޒްކުރި ބޮލީވުޑްގެ އެންމެ ކާމިޔާބު ފިލްމު ކަމަށްވާ "އިސްތިރީ 2" ގެ ބަތަލު ރާޖްކުމާރު ރާއޯ ފިލްމު ކުޅޭ އަގު ބޮޑުކޮށްފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި ނެޝަނަލް އެވޯޑް ވެސް ހޯދާފައިވާ އެކްޓަރު މިހާތަނަށް އެވްރެޖްކޮށް ފިލްމެއް ކުޅެ ދިނީ 6 ކްރޯޑް ރުޕީސް (713،400 ޑޮލަރު) އަށެވެ. ނަމަވެސް މިހާރު އަގު 11 މިލިއަން ރުޕީސް (1.3 މިލިއަން ޑޮލަރު) އަށް ބޮޑުކޮށްފައިވާ ކަމަށްވެ އެވެ. އެ އަގަށް ބަލާ އިރު އެއީ އަދިވެސް ބޮލީވުޑްގެ އެންމެ މަޝްހޫރު އެކްޓަރުން އެވެރްޖްކޮށް، ފިލްމު ކުޅެދޭ އަގަށް ވުރެ ނުވަ ގުނަ ދަށް އަގެކެވެ.
ރާޖަކީ މިހާރު ބޮލީވުޑްގައި ތިބި ޒުވާން އެކްޓަރުންގެ ތެރެއިން އެންމެ ހުނަރުވެރި އަދި އެންމެ ޑިމާންޑް ބޮޑު އެކެކެވެ. "އިސްތިރީ 2" ގެ އިތުރުން މި އަހަރު އޭނަގެ ތިން ފިލްމެއް ރިލީޒްވި އެވެ. އެއީ "ސްރީކާންތު" އާއި "މިސްޓަ އެންޑް މިސިޒް މާހީ" ގެ އިތުރުން "ވިކީ ވިދިއާ ކާ ވޯ ވާލާ ވީޑިއޯ" އެވެ.
ރާޖް، 40، ގެ އަންހެނުން ޕަޓްރަލޭކާ އަކީ ވެސް ބަތަލާއެކެވެ. އެކަމަކު އޭނަ އަކީ މާ މަޝްހޫރު މީހެއް ނޫނެވެ.
ރާޖްގެ ކުރިއަށް ހުރި ފިލްމުތަކުގެ ތެރޭގައި އޭނަގެ ގޭންގްސްޓާރެއްގެ ރޯލު ކުޅޭ "މާލިކް" ހިމެނެ އެވެ.