މި އަހަރު 100 އިމާމުންނަށް ރާއްޖެއިން ބޭރުން ތަމްރީނުގެ ފުރުސަތު ހޯދައިދެވިފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޝަހީމް އިއްޔެ ވަނީ އިތުރު ތަމްރީނަށް އިންޑޮނީޝިޔާ އަށް ފުރާ އިމާމުންނާ ބައްދަލުކުރައްވާފަ އެވެ.
ޝަހީމް ވިދާޅުވީ އިންޑޮނޭޝިޔާގެ ދަތުރާއެކު މިއަހަރު ރާއްޖެއިން ބޭރުން 100 އިމާމުންނަށް ތަމްރީނު ފުރުޞަތު ފަހިކުރެވިފައިވާ ކަމަށެވެ. އިމާމުން ވަނީ މިއަހަރު ސައޫދީ، ބުރޫނާއި މެލޭޝިޔާއަށް ތަމްރީނަށް ގޮސްފަ އެވެ.
ސަރުކާރުގެ އަމާޒަކީ ކުރިއަށް އޮތް ފަސް އަހަރުގެ ތެރޭގައި 500 އިމާމުން ތަމްރީނުކޮށް އަދި މަދުވެގެން 1000 ހަތީބުން ތަމްރީންކޮށް ނެރުން ކަމަށް ޝަހީމް މީގެކުރިން ވަނީ ވިދާޅުވެފަ އެވެ.