"މަގޭ ސާފު ރާއްޖެ ކޮމިއުނިޓީ ޗެމްޕިއަންސް ފޮ ސަސްޓެއިނަބަލް ވޭސްޓް އެންޑް ރިސޯސް މެނޭޖްމަންޓް" ގެ ނަމުގައި ތިން ދުވަހުގެ ޕްރޮގްރާމެއް މ. މުލީގައި ފަށައިފި އެވެ.
އިއްޔެ އިން ފެށިގެން މާދަމާގެ ނިޔަލަށް ކުރިއަށް ގެންދާ މި ޕްރޮގްރާމުގައި މުއްޔާއި އަދި މުލަކުގެ ކޮމިއުނިޓީ ލީޑަރުން ބައިވެރިވެ، ކުނި އެއްކުރުމާއި، ޕްރޮސެސްކުރުމާއި، ޑޭޓާ އެއްކުރުމާއި، އޮޕަރޭޝަނަލް ޕްރޮސީޖަތަކާއި، އަދި ގޮނޑުދޮށް ސާފުކުރުމުގެ ހަރަކާތެއްގައި ބައިވެރިވެ ތަމްރީނު ހޯދާނެ އެވެ.
މި ޕްރޮގްރާމް ފެސިލިޓޭޓް ކުރަނީ ވޭސްޓް މެނޭޖްމަންޓް ޑިޕާޓްމަންޓާއި މޯލްޑިވްސް ކްލީން އެންވަޔަރަންމަންޓް ޕްރޮޖެކްޓް (އެމްސީއީޕީ) ގެ އިތުރުން ގްރޭޓަ މާލެ އެންވަޔަރަންމަންޓަލް ވޭސްޓް މެނޭޖްމަންޓް ޕްރޮޖެކްޓްގެ ޓެކްނިކަލް މުވައްޒަފުންނެވެ.
ވޯލްޑް ބޭންކުގެ އެހީގައި އެންވަޔަރަމަންޓް މިނިސްޓްރީގެ ދަށުން ހިންގަމުން އަންނަ އެމްސީއީޕީގެ ތެރެއިން މުއްޔާއި މުލަކާ އެކީ އިތުރު 17 ރަށާއެކު އައު ކުނި މެނޭޖްކުރާ މަރުކަޒުތަކާއި އިކުއިޕްމަންޓް ލިބޭ ރަށްތަކެވެ. މިއީ ޒޯން 4 އާއި 5 ގައި ދެމެހެއްޓެނިވި ކުނި އަދި ވަސީލަތްތައް މެނޭޖްކުރުމުގެ މަސައްކަތް ހަރުދަނާކުރުމަށް އެޅޭ މުހިންމު ފިޔަވަޅެކެވެ.
މި ޕްރޮގްރާމަކީ ރާއްޖޭގެ ތިމާވެށި ރައްކާތެރިކޮށް، ކުނި މެނޭޖްކުރުމުގެ ނިޒާމު ހަރުދަނާކުރުމަށް އެޅޭ މުހިންމު ފިޔަވަޅެއް ކަމަށް މިނިސްޓްރީން ފާހަގަކޮށްފައިވެ އެވެ.