ނައިބު ރައީސް ހުސެއިން މުހައްމަދު ލަތީފް މުއަދި ކުޅުދުއްފުއްޓަށް ފުރާވަޑައިގެންފި އެވެ.
މިއަދު ހެނދުނު ފެއްޓެވި އެ ދަތުރުފުގައި އެ މަނިކުފާނާ އެކު ސަރުކާރުގެ މަތީ ފަންތީގެ ވަފުދެއް ވެސް ބައިވެރިވެވަޑައިގަންނަވަ އެވެ.
ރައީސް އޮފީހުން ބުނީ މިއީ "ހަށިހެޔޮ ރާއްޖެ" ޕްރޮގްރާމް އިފްތިތާހުކޮށް ދެއްވަން ކުރައްވާ ދަތުރެއް ކަމަށެވެ.
އެ ޕްރޮގުރާމަށް ލީޑަރުން ތަމްރީނުކުރުމަށްޓަކާ ހަ ޒޯނަކަށް ބަހާލައިގެން، "ލީޑިން ލީޑާސް"ގެ ނަމުގައި ސްޕޯޓްސް މިނިސްޓްރީން އިއްޔެ ވަނީ ޕްރޮގުރާމެއް ވެސް ފަށައިފަ އެވެ.
މިއަދު ރަސްމީކޮށް އިފުތިތާހުކުރާ "ހަށިހެޔޮ ޕްރޮގްރާމް" އަކީ ވެސް މޮޅެތި އެތުލީޓުން އުފެއްދުމާ ބެހޭ ދިގު ރާސްތާގެ ޕްރޮގްރާމް ފަރުމާކުރުމުގެ ސިޔާސަތުގެ ތެރެއިން ކުރިއަށް ގެންދާ ހަރަކާތެކެވެ.