އާއިލީ ކުއްޖަކަށް ޖިންސީ ގޯނާކުރި މީހަކު 20 އަހަރަށް ޖަލަށްލައިފި އެވެ.
ކްރިމިނަލް ކޯޓުން އިއްޔެ އެ ހުކުމް އިއްވާފައި ވަނީ އުތުުރުގެ ރަށެއްގެ ހުސައިން އަލީފް ކިޔާ މީހެއް މައްޗަށެވެ. އެ މައްސަލައިގައި އޭނަގެ މައްޗަށް އާއިލާގެ ކުޑަ ކުއްޖަކާއެކު ޖިންސީ އަމަލެއް ހިންގުމުގެ ކުށުގެ ދައުވާ އުފުލީ 2018 ގަ އެވެ.
އެ ދައުވާއާ ގުޅިގެން ދައުލަތުން ހުށަހެޅި ހެެއްކާއި ގަރީނާގައިވާ އަށް ބުނާކޮށް ކޯޓުން ހުކުމްގައިވާ ގޮތުން ޝައްކެއް ނެތް މިންވަރަށް، އަލީފްގެ މައްޗަށް ދައުވާ ސާބިތުވާ ކަމަށް ކަނޑައަޅާފައިވެ އެވެ.
ކުޑަކުދިންނަށް ޖިންސީ ގޯނާކުރާ މީހުންނާމެދު ހާއްސަ އުސޫލުތަކަކަށް އަމަލުކުރުމުގެ ގާނޫނު 15 ވަނަ މާއްދާގެ (ހ) ގެ ދަށުން އަލީފަށް ހުކުމްކުރި އިރު, އެ މާއްދާގެ (ށ) ގައި ބުނެފައިވަނީ އެކުށުގެ އަދަބަކީ 20-25 އަހަރާ ދެމެދުގެ މުއްދަތަކަށް ޖަލަންލުމެވެ.