ބޮލީވުޑްގެ ބަތަލާ ރަވީނާ ޓަންޑަންގެ ދަރިފުޅު ރަޝާ ތަޑާނީ އާއި އަޖޭ ދޭވްގަން އަށް ބޮޑުބޭބެ ކިޔާ އާމަން ފިލްމީ ދުނިޔެ އަށް ތައާރަފުރާ ފިލްމު "އާޒާދު' ގެ ޓީޒާ ޓްރެއިލާ މިއަދު ދައްކާލައިފި އެވެ.
އަބީޝެކް ކަޕޫރް ޑައިރެކްޓްކޮށް ގެނެސްދޭ މި އެކްޝަން އެޑްވެންޗާގެ ކާސްޓްގައި އަޖޭގެ އިތުރުން ޑަޔާނާ ޕެންޓީ ވެސް ހިމެނެ އެވެ.
"އާޒާދު" ގެ ޑައިރެކްޓަރު އަބީޝެކްގެ އެންމެ ފަހުގެ ފިލްމަކީ 2022 ގައި އަޔޫޝްމަން ކްރާނާ އާއި ވާނީ ކަޕޫރާ އެކީ ގެނެސްދިން "ޗަންދީގަޅް ކަރޭ އާޝިގީ" އެވެ. އޭނަ އަކީ "ކޭދަރުނާތު" އިން 2018 ގައި ސާރާ އަލީ ޚާނާއި 2020 ގައި ދަންޖެހިގެން މަރުވި އެކްޓަރު ސުޝާންތު ސިންގް ރާޖްޕޫތު 2013 ގެ "ކައި ޕޯ ޗޭ" އިން ބޮލީވުޑަށް ނެރުނު ޑައިރެކްޓަރު ވެސް މެ އެވެ.
އަންނަ އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "އާޒާދު" ސިނަމާތަކަށް ގެންނަން ހަމަޖެހިފައި ވަނީ އަންނަ އަހަރުގެ ޖެނުއަރީގަ އެވެ. އެކަމަކު އަދި ސީދާ ވަކި ތާރީހެއް އިއުލާނެއް ނުކުރެ އެވެ.