އައްޑޫ ހިތަދޫ ނޫރުލް އިސްލާމް ޖަމިއްޔާ އިން ވެސް ކުޑަކުދިންނަށް ނަމާދު ކުރަން ދަސްކޮށްދޭން ވޯކްޝޮޕަކަށް ހުޅުވާލައިފި އެވެ.
މި މަހުގެ 10 އާއި 11 ގައި ކުރިއަށް ގެންދަން ނިންމާފައިވާ ވޯކްޝޮޕް ހާއްސަކޮށްފައި ވަނީ އުމުރުން 7-10 އަހަރާ ދެމެދުގެ ދެ ޖިންސްގެ ކުދިންނަށެވެ.
ލިންކް ރޯޑްގައި ހުންނަ މަސްޖިދު އިބްރާހީމްގައި ކުރިއަށް ގެންދަން ނިންމާފައިވާ މި ވޯކްޝޮޕްގައި ކުދިން ބައިވެރިކުރުމުގެ ފުރުސަތު މިހާރު އޮތީ އޮންލައިންކޮށް ހުޅުވާލައިފި އެވެ.
މި ނަމާދު ވޯކްޝޮޕްގެ ފެސިލިޓޭޓަރުންނަކީ ޝެއިހް މުހައްމަދު އަނީލް އާއި ޝެއިހް އަހުމަދު ނާޒިހާއި ނިހާދު ސާގެ އިތުރުން ނިޔާޒު ސާ އެވެ.
ނޫރުލް އިސްލާމުން ކުޑަކުދިންގެ ނަމާދު ވޯކްޝޮޕަކަށް ހުޅުވައިލި އިރު، ފޭދޫ މިޝްކިތާތު ފައުންޑޭޝަން މިދިޔަ މަހާއި މި މަހު ދެ އަވަށެއްގައި މިފަދަ ވޯކްޝޮޕްތަކެއް ހިންގާފައިވެ އެވެ. އެއީ މި މަހުގެ 2-3 އަށް ހިތަދޫގައި ހިންގި ވޯކްޝޮޕާއި މިދިޔަ މަހުގެ 4-5 އަށް މަރަދޫފޭދޫގައި ބޭއްވު ވޯކްޝޮޕެވެ.