ހޮލީވުޑްގެ މަޝްހޫރު ތަރި ވިލް ސުމިތުގެ 2007 ގެ ފިލްމު "އައި އޭމް ލެޖެންޑް" ގެ ރައިޓްސް ބޮލީވުޑްގެ ތަރި ރިތިކް ރޯޝަން ހޯދައިފި އެވެ.
މިޑް-ޑޭ އިން ބުނީ އެ ފިލްމު ހިންދީ އޯޑިއަންސަށް ގެނެސްދިނުމަށްޓަކައި އޭގެ މައިގަނޑު ޕްލޮޓް ނުގެެއްލޭ ގޮތަށް، އިންޑިއާގެ ރަހަތައް ލައްވައިގެން ފިލްމުގެ ސްކްރިންޕްލޭގެ މަސައްކަތް ރިތިކްގެ ހާއްސަ ޓީމަކުން ފަށާފައިވާ ކަމަށެވެ. ނަމަވެސް މިކަމާ ބެހޭ ގޮތުން ރަސްމީކޮށް އޭނަ އަދި އެއްވެސް އެއްޗެއް ނުބުނެ އެވެ.
ޕޯސްޓް-އެޕޮކެލިޕްޓިކް އެކްޝަން ތުރިލާއެއްގެ ގޮތުގައު ގެނެސްދިން "އައި އޭމް ލެޖެންދް" އަކީ ފްރާންސް ލޯރެންސް ޑައިރެޓްކުރި ވަރަށް ކާމިޔާބު ފިލްމެކެވެ. އޭގެ ވާހަކަ ބިނާކޮށްފައި އޮތީ ރިޗަޑް މެތިސަން ހަމަ އެ ނަމުގައި 1954 ގައި ގެނެސްދިން ވާހަކައަށެވެ.
ޖުމްލަ 150 މިލިއަން ޑޮލަރުގެ ބަޖެޓަކުން ހެދި "އައި އޭމް ލެޖެންޑް" އަށް އާމްދަނީގެ ގޮތުގައި 585 މިލިއަން ޑޮލަރު ލިބުނެވެ.