ރާއްޖޭގެ އިމާމުންނާއި ޚަތީބުންގެ ފެންވަރު މަތި ކުރަން އިސްލާމިކް މިނިސްޓްރީން ހިންގަމުން އަންނަ ޕްރޮގްރާމްތަކުގެ ތެރެއިން ރާއްޖެ އިން ބޭރުން ތަމްރީނާއި ތަޖުރިބާ ހޯދައި ދޭން ކުރިއަށް ގެންދާ މަސައްކަތުގެ ތެރެއިން ދެ ގައުމަކަށް އިމާމުންނާއި ޚަތީބުންތަކެއް ފުރައިފި އެވެ.
އެ ދެ ގައުމަކީ މެލޭޝިއާ އާއި އިންޑޮނީޝާއާ އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އިންޑޮނީޝީއާ އަށް ދިޔަ ޓީމަކީ މިފަދަ ޕްރޮގްރާމެއްގައި އެ ގައުމަށް އިމާމުން ދާ ފުރަތަމަ ފަހަރު ކަމަށެވެ. އިންޑޮނީޝިއަށް ދިޔަ ޓީމްގައި 15 ބޭފުޅަކު ހިމެނެ އެވެ.
މިނިސްޓްރީން ބުނި ގޮތުގައި މިއަހަރުގެ މިހާތަނަށް 100 އިމާމުން ރާއްޖޭން ބޭރަށް ފޮނުވައިގެން ތަމްރީނުކޮށްފައިވެ އެގޮތުން އިމާމުން ފޮނުވި ގައުމުތަކުގެ ތެރޭގައި ސަޢުދީ ޢަރަބިއްޔާ، ބުރޫނާއީ އަދި މެލޭޝިޔާ ހިމެނެ އެވެ.