ކުރީގެ ލޯބިވެރިޔާއަށް އަނިޔާކުރި މީހަކު ހައްޔަރުކޮށްފި އެވެ.
ހައްޔަރުކޮށްފައި ވަނީ ގއ. ވިލިނގިއްޔަށް ނިސްބަތްވާ 28 އަހަރުގެ ޒުވާނެކެވެ.
ކްރިމިނަލް ކޯޓުން ނެރުނު އޭނަގެ ބަންދު އަމުރުގައި ބުނެފައި ވަނީ މައްސަލަ ހުށަހެޅި ފަރާތުގެ ބަޔާނާއި ހާދިސާ ރިޕޯޓަށް ބަލާއިރު އޭނާ ކުރިން ރައްޓެހިވެގެން އުޅުނު މީހާއާމާރާމާރީ ހިންގާފައިވާ ކަމަށެވެ. އެގޮތުން އަނިޔާ ލިބުނު ފަރާތުގެ ތުންފަތް ފަޅައިގެންގޮސް އިނގިލިތައް ރަތްވެ ފައިގެ ފަލަމަސްގަނޑުން އެކި ތަންކޮޅު ނޫފައިގަނެ ބުރަކަށި ރަތްވެފައިވާ ކަމަށް ވެސް ބުނެފައިވެ އެވެ.
އެހެންވެ ކުށް ކޮށްފައިވާ ހާލަތައް ރިއާޔަތްކޮށް އެއީ ގެވެށި ގުޅުމަކުން ގުޅިފައިވާ ދެ މީހުންކަން އެނގޭތީ އިރު އެ އަމަލުގައި އަނިޔާ ލިބުނު ފަރާތަށް އަނިޔާ ލިބި ޑޮކްޓަރަށް ދައްކާފައިވާ ކަމަށް ވެސް އަމުރުގައިވެ އެެވެ.
މި މައްސަލައިގައި އަނިޔާކުރި މީހާގެ ބަންދަށް ޖެހީ 15 ދުވަހެވެ. އަދި ބަންދުގައި ބަހައްޓަން ޖެހޭ ސަބަބެއް ކަމަށް އެ ބުނެފައިވަނީ މުޖުތަމައުގެ ސަލާމަތަށް ނުރައްކަލެއް ކުރިމތިވެދާނެކަމަށްޓަކައި ކަމަށް ކޯޓް އަމުރުގައިވެ އެވެ.