ގައުމީ ދިރާސާ ކައުންސިލަށް މެންބަރުން އައްޔަންކޮށްފި އެވެ.
ހަޔަ އެޑިއުކޭޝަން މިނިސްޓްރީގެ ދަށުން ހިންގާ އެ ކަކައުންސިލަށް އައްޔަންކުރި މެންބަރުންނަށް ލިޔުން ހަވާލުކޮށް ދެއްވީ އެ މިނިސްޓްރީގެ ޕީއޭ އާއިޝަތު ހިކްމާ އެވެ.
ޤައުމީ ދިރާސާ ކައުންސިލަށް ޖުމްލަ 9 މެންބަރުން ހިމެނެ އެވެ.
އެ މެންބަރުންނަކީ:
* ހަޔަ އެޑިއުކޭޝަން މިނިސްޓަރުގެ ފަރާތުން އައްޔަންކުރައްވާ ފަރާތް (ކައުންސިލް ޗެއާ): ސްޓޭޓް މިނިސްޓްރު އަޙްމަދު ޝަފީއު
* ހަޔަ އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރ، އައިމިނަތު ޝަޝީ
* ޤައުމީ ޔުނިވާސިޓީގެ ޑެޕިއުޓީ ވައިސް ޗާންސެލަރު ޑރ. ރަޙީމާ އަބްދުލްރަޙީމް،
* އިސްލާމިކް ޔުނިވާސިޓީގެ ޑެޕިއުޓީ ވައިސް ޗާންސެލަރު ޑރ. ވިސާލް މޫސާ،
* ސީޑީއީ ކޮންސަލްޓިން އިންޖީނިއަ ޑރ.ނަޝްވާން މަތީން،
* މޯލްޑިވިސް މެރިން ރިސާޗް އިންސްޓިޓިއުޓްގެ ޑިރެކްޓަރު މުޙައްމަދު ޝިމާލް،
* ލޮޓީ ފައިލްސްގެ ނާޢީލް އަބްދުލް ރަޙްމާން
* ވިލާ ކޮލެޖްގެ ޑެޕިއުޓީ ވައިސް ރެކްޓަރ، ޑރ. މުޙައްމަދު ޢާދިލް
* ފިނޭންސް މިނިސްޓްރީގެ ޗީފް އެކައުންޓްސް އެގްޒެކިއުޓިވް، މުޙައްމަދު މާއިޒް މުނާޒް
ގައުމީ ދިރާސާ ކައުންސިލަކީ ރައީސް ޑރ. މުހައްމަދު މުޢީޒު، އެ މަނިކުފާނުގެ މަޤާމުގެ ހުވާކުރެއްވުމުގެ ރަސްމިއްޔާތުގާއި ވެވަޑައިނެވި ވަޢުދެކެވެ.
މި ކައުންސިލަކީ ރާއްޖޭގައި ޢިލްމީ ދިރާސަކުރުމާއި، އޭގެ އަލީގައި ފިކުރީމުދާ އުފެއްދުމުގެ މަސައްކަތްތަށް ހިންގައި ބެލެހެއްޓުމަށް އެކުލަވައިލި ކައުންސިލެކެވެ. މި ކައުންސިލްގެ މެމްބަރުންނަކީ "ޤައުމީ ދިރާސާ ފަންޑު" ހިންގައި ބެލެހެއްޓުމަށް އްޔަންކުރެވިފައިވާ މެމްބަރުންނެވެ. އެ ބޭފުޅުންގެ މައިގަނޑު މަސްޢޫލިއްޔަތުތަކުގެ ތެރޭގައި، ފަންޑުން ޚަރަދުކޮއްގެން ދިރާސާކުރާނެ ދާއިރާތަށް ކަނޑައެޅުމާއި، އެ ދާއިރާތަކަށް ކަނޑައެލޫމުގެ އުޞޫލުތަށް ކަނޑައެޅުމާއި، ފަންޑުން ފައިސާ ދޫކުރާނެ ހަމަތަކެއް ޤާޢިމްކޮށް، އެ ހަމަތަށް ތަންފީޒުކުރުން ހިމެނެ އެވެ.