ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޗެއާމަން ކަމުގެ މަގާމަށް އަހުމަދު ނާސިފް ހަމަޖައްސައިފި އެވެ.
އެޗްޑީސީން "އެކްސް"ގައި ކުރި ޕޯސްޓެއްގައި ވަނީ ޗެއާމަން ކަމުގެ މަގާމަށް ނާސިފް ހަމަޖެއްސުމާ ގުޅިގެން މަރުހަބާ ކިޔާފަ އެވެ.
އެ ކުންފުނީގެ ޗެއާމަން ކަމުގެ މަގާމުގައި މީގެކުރިން ހުންނެވީ ޒުހޫރު އެވެ. ނަމަވެސް ޕްރައިވެޓައިޒޭޝަން ބޯޑުން މިދިޔަ މާޗު މަހުގެ ތެރޭގައި އޭނާ ވަނީ މަގާމުން ވަކިކޮށްފަ އެވެ. ޒުހޫރު މަގާމުން ވަކިކުރި ވަކި ސަބަބެއް ޕީސީބީން ހާމަކޮށްފައެއް ނުވެ އެވެ.
އެޗްޑީސީގެ ޗެއާމަން ކަމަށް ހަމަޖެއްސި ނާސިފް މީގެކުރިން ހުންނެވީ ރީޖަނަލް އެއަރޕޯޓްސް (އާރްއޭސީއެލް)ގެ ޗެއާމަން ކަމުގެ މަގާމުގަ އެވެ.