ރޯޑް ޑިވެލޮޕްމަންޓް ކޯޕަރޭޝަން އާރްޑީސީ) ގެ ސްޓްރެޓީޖިކް އެކްޝަން ޕްލޭން އިފުތިތާހުކޮށްފި އެވެ.
ކުރިއަށް އޮތް ފަސް އަހަރަށް އެކުލަވާލި އިސްތިރާޖީ އެކްޝަން ޕްލޭން އިފުތިތާހުކުރީ ކޮށްފައިވަނީ، އާރުޑީސީގެ އަހަރީ ދުވަސް ފާހަގަ ކުރުމަށް ރޭ ބޭއްވި ސްޓާފް ނައިޓުގަ އެވެ. އެ ހަފްލާގައި އިސްތިރާޖީ އެކްޝަން ޕްލޭން އިފުތިތާހުކޮށް އެކަމާ ގުޅޭ އަތްމަތީ ފޮތެއް ވެސް ނެރެފައިވެ އެވެ.
އެކްޝަން ޕްލޭން އިފްތިތާހުކޮށް ދެއްވީ ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރު ހަސަން ރަޝީދެވެ.
އާރުޑީސީ ބުނީ މި އެކްޝަން ޕްލޭނަކީ މި އަހަރު ވެސް ހިމެނޭ ގޮތަށް ތައްޔާރުކުރެި ޕްލޭނެއް ކަމަށާއި މީގެ މައިގަނޑު މަގުސަދަކީ ކުންފުނީގެ ތަޞައްވުރަށް ވާސިލުވުމަށްޓަކައި އެކަށައެޅިފައިވާ އަމާޒުތަކަށް މަސައްކަތް ކުރުން ކަމަށެވެ.
ޕްލޭނުގައި އިސްކަންދޭ މައިގަނޑު ފަސް ދާއިރާއެއް ހިމެނެއެވެ. އެއީ ކުންފުނީގެ އިދާރީ އޮނިގަނޑު އިސްލާހު ކުރުމާއި، ސްޓޭކްހޯލްޑަރުންގެ އިތުބާރު ދެމެހެއްޓުމާއި، ކުންފުނީގެ ޤާބިލުކަން އިތުރުކުރުމާއި، ކޯޕަރޭޝަނުން ކުރަމުން އަންނަ ވިޔަފާރި ފުޅާކޮށް ސިންދަފާތު ކުރުމުގެ އިތުރުން މާލީ ތަނަވަސްކަން އެންމެ ފުރިހަމައަށް ހޯދުމަށް ކުރަންޖެ ހޭ ކަންކަން ތަރުތީބުކޮށް ތަންފީޒް ކުރުމެވެ.