އަންނަ މަހު ފާހަގަކުރާ މި އަހަރުުގެ މަސްވެރިންގެ ދުވަހާ ގުޅުވައިގެން ބާއްވާ އާޓް އެގްޒިބިޝަނަކަށް ފިޝަރީޒް މިނިސްޓްރީން ހުޅުވާލައިފި އެވެ.
އެ މިނިސްޓްރީން އެ އެގްޒިބިޝަން ބާއްވަން ހަމަޖެހިފައި ވަނީ އަންނަ މަހުގެ 12-14 އަށް މާލޭގައި ކަމަށެވެ. މިއަށް އަތުކުރެހުމާއި ޑިޖިޓަލް އާޓާއި ސްކަލްޕްޗާގެ އިތުރުން މިކްސް މީޑިއާގެ އުފެއްދުންތައް ވެސް ހުށަހެޅޭނެ އެވެ.
އެހެންވެ އާޓްވޯކް ހުށަހަޅަން ޝައުގުވެރިވާ 16 އަހަރުން މަތީގެ މީހުންނަށް މިހާރު ވަނީ އޮންލައިންކޮށް ރަޖިސްޓްރީވުމުގެ ފުރުސަތު މި މަހުގެ 21 އާ ހަމައަށް ހުޅުވާލައިފަ އެވެ. އަދި އާޓްވޯކްތައް އަންނަ މަހުގެ 11 ވަނަ ދުވަހުގެ މެންދުރު ފަހު 2:00 ގެ ކުރިން ހުށަހަޅަން ޖެހޭނެ އެވެ.
މަސްވެރިންގެ ދުވަހަކީ ޑިސެމްބަރު 10 އެވެ. މި އަހަރު ފާހަގަކުރާނީ 44 ވަނަ މަސްވެރިންގެ ދުވަހެވެ. މި އަހަރުގެ މަސްވެރިންގެ ދުވަހުގެ ޝިއާރަކީ "މަސްވެރިކަމުގެ ސިނާއަތް ސިންދަފާތު ކުރުމަށް ޒުވާނުންގެ ބައިވެރިވުން" އެވެ.
އެހެންވެ އާޓްވޯކްތައް އެގްޒިބިޝަނަށް އާޓްވޯކްތައް ހުށަހަޅާނީ އެކަމާ ގުޅުވައިގެންނެވެ. މިނިސްޓްރީން ބުނީ އެގްޒިބިޝަނަށް ހުށަހަޅާ އާޓްވޯކްތަކުގެ ތެރެއިން އެކި ކެޓަގަރީތަކުން އެއް ވަނަ ހޮވައި އިނާމަކަށް 5،000ރ. ވެސް ދޭނެ ކަމަށެވެ.
އިތުރު މައުލޫމާތު 3339229 އަދި 3339223 އިން ހޯދޭނެ އެވެ.