އިސްލާމިކް މިނިސްޓްރީގެ އަންހެން މުވައްޒަފުންތަކެއް ތަމްރީން ދަތުރެއްގައި މާދަމާ ސައުދޫ އަރަބިއްޔާ އަށް ފުރާގޮތަށް ހަމަޖެހިއްޖެ އެވެ.
އެ ގައުމަށް ދާ ޓީމާ މިނިސްޓަރު ޑރ. މުގައްމަދު ޝަހީމް އަލީ ސައީދު އިއްޔެ ވަނީ ބައްދަލު ވެސް ކުރައްވައިފަ އެވެ. ބައްދަލުކުރެއްވުމުގައި މިނިސްޓަރު ވަނީ ބައިވެރިންނަށް ކާމިޔާބު ދަތުރަކަށް އެދިވަޑައިގެން، ދަތުރުގެ ބޭނުން ހެޔޮ ގޮތުގައި ހިއްޕެވުމަށް ނަސޭހަތްތެރިވެވަޑައިގެންފަ އެވެ.
އިސްލާމިކް މިނިސްޓްރީން ބުނީ އަންހެން މުވައްޒަފުންގެ ސައުދީ ދަތުރުގައި އެ މިނިސްޓްރީގެ އެކި ސެކްޝަންތަކުގައި މަސައްކަތްކުރާ މުވައްޒަފުން ބައިވެރިވާ ކަމަށެވެ. އެގޮތުން ޖުމްލަ 22 މުވައްޒަފަކު ބައިވެރިވެ އެވެ.
މި ދަތުރަކީ މައްކާގެ ވަޤުފު މުއައްސަސާ އިން އިންތިޒާމްކުރާ ދަތުރެކެވެ.
މި ދަތުރުގައި މުވައްޒަފުން ޢުމްރާކުރުމުގެ އިތުރުން، ޢިލްމީ ދައުރާއަކާއި، މައްކާގެ ތާރީޚީ، ދީނީ އަދި އިޖުތިމާޢީ އެކި މުއައްސަސާތަކަށް ޒިޔާރަތް ކުރުމަށް ހަމަޖެހިފައިވެ އެވެ.