މި މަހު ރިލީޒްކުރަން ހަމަޖެހިފައިވާ އަބީޝެކް ބައްޗަންގެ "އައި ވޯންޓް ޓު ޓޯކް" ގެ ޓްރެއިލާ އާންމުކޮށްފި އެެވެ.
މި ފެމިލީ ޑްރާމާ އަކީ ކާމިޔާބު ފިލްމުތަކެއް ގެނެސްދީފައިވާ ޝޫޖިތު ސިރްކާގެ ޑައިރެކްޝަނެކެވެ. ރިތޭޝް ޝާހްގެ ސްކްރީންޕްލޭއަކަށް ހަދާފައިވާ "އައި ވޯންޓް ޓު ޓޯކް" ގެ ކާސްޓްގައި ޝޫޖިތުގެ 2018 ގެ ފިލްމު "އޮކްޓޯބާ" ގެ ބަތަލާ ބަނީތާ ސަންދޫ އާއި ޖޯނީ ލީވާ އަދި ޕާލް މާނީ ހިމެނެ އެވެ.
އަބީޝެކް ވަރަށް ތަފާތު ރޯލެއް ކުޅެފައިވާ "އައި ވޯންޓް ޓު ޓޯކް" ސިނަމާތަކަށް ގެންނާނީ މި މަހުގެ 22 ގަ އެވެ.
ދެ ނެޝަނަލް އެވޯޑް ވެސް ހޯދާފައިވާ ޝޫޖިތު އެންމެ ފަހުން ގެނެސްދިން ފިލްމަކީ ވިކީ ކޯޝަލްގެ 2021 ގެ " ބައިގްރަފިކަލް ހިސްޓޮރިކަލް ޑްރާމާ "ސަރުދާރު އުދަމް" އެވެ. އޭނަ ގެނެސްދިން ފިލްމުތަކުގެ ތެރޭގައި "ވިކީ ޑޯނާ" އާއި "ޕީކޫ" އަދި "ގްލާބޯ ސިޓާބޯ" ހިމެނެ އެވެ.