ހުުޅުމާލެ ފަޅުތެރޭގައި އޮއްވައި ރޭ މެންމަދު ރޯވި ސަފާރީގައި 12 މީހަކު ތިބި ކަމަޑާށާއ، އެ އުޅަނދު ވަރަށް ބޮޑަށް އަނދާފައިވާ ކަމަށް އެމްއެންޑީއެފުން ބުނެފި އެވެ. ސަފާރީއެއްގައި އަލިފާން ރޯވެ، ބޮޑެތި ގެއްލުންތަކެއް ލިބިއްޖެއެވެ.
އެތަން ބުނީ ސަފާރީގައި ރޯވި އަލިފާން މިހާރު ކޮންޓްރޯލްވެފައިވާ ކަމަށެވެ.
ވެމްކޯ ޖެޓީ ސަރަހައްދުގައި ސަފާރީތައް އަޅާ ސަރަހައްދުގައި އޮތް "ބުލޫވޭގާ" ނަމަކަށް ކިޔާ ސަފާރީއެއްގައި އަލިފާން ރޯވިކަމުގެ ރިޕޯޓް ސިފައިންނަށް ލިބުނީ މެންމަދު 03:42 ހާއިރުއެވެ.
އެ ހާދިސާގެ މައުލޫމާތު ލިބުމާއެކު ފަޔަ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފެށި އެވެ.
އެމްއެންޑީއެފުން ބުނީ ސަފާރީގައި ރޯވުމުން އޭގައި ތިބި 12 ފަޅުވެރިން ކައިރީގައި އޮތް ޑައިވިން ދޯންޏަކަށް އަރާފައިވާ ކަމަށެވެ. އެއީ ހަތް ދިވެހިންނާއި ފަސް ބިދޭސީންންނެވެ. ބިދޭސީންގެ ތެރޭގައި ހިމެނެނީ ސްރީ ލަންކާ، ބަންގްލަދޭޝް އަދި އިންޑިއާ މީހުންނެވެ. އެއިން އެއްވެސް މީހަކަށް ގެއްލުމެއް ނުވެ އެވެ.
ސަފާރީގައި އަލިފާން ރޯވި އިރު އޭގައި ހުރީ ޑައިވިން ކުރުމަށް ބޭނުންކުރާ ސާމާނުކަން އެ ސަފާރީގެ ކެޕްޓަން މައުލޫމާތު ދޭ ކަމަށް އެމްއެންޑީއެފުން ބުންނެވެ.
ނަމަވެސް ސަފާރީގައި ރޯވާން ދިމާވި ސަބަބެއް އަދި ނޭނގެ އެވެ.