ބޮލީވުޑްގެ ޒުވާން ދެ ތަރިން ކަމަށްވާ އަނަންޔާ ޕާންޑޭ އާއި ލަކްޝް ލަލްވާނީ ހިމަނައިގެން ލޯބީގެ ފިލްމެއް ގެނެސްދޭން ނިންމިކަން މިއަދު އިއުލާންކޮށްފި އެެވެ.
ކަރަން ޖޯހަރްގެ ދަރުމާ ޕްރޮޑަކްޝަނުން އަންނަ އަހަރު ގެނެސްދޭން ހަމަޖެހިފައިވާ މި ފިލްމުގެ ނަމަކީ "ޗާންދު މޭރާ ދިލް" އެވެ. ރީތި ޕޯސްޓަރުތަކެއް ވެސް އާންމުކޮށްފައިވާ ފިލްމުގެ ޓެގް ލައިނަކީ "ޕިޔާރު މޭ ތޯޅާ ޕާގަލް ހޯނާ ހީ ޕަޅްތާ ހޭ" އެވެ. ރިލީޒް ކުރާނެ ސީދާ ތާރީހެއް އަދި ހާމަނުކުރާ ފިލްމުގެ ޑައިރެކްޓަރަކީ ވިވެކް ސޯނީ އެވެ. އޭނަ އަކީ ދަރުމާ އިން 2021 ގައި ނެޓްފްލިކްސް އަށް ގެނައި "މީނާކްޝީ ސުންދަރޭޝްވަރް' ގެ ޑައިރެކްޓަރެވެ.
"ޗާންދު މޭރާ ދިލް" އަކީ ލަކްޝަންގެ ދެވަނަ ފިލްމެވެ. އޭނަގެ ފުރަތަމަ ފިލްމަކީ މި އަހަރުހެ ޖުލައި މަހު ދަރުމާ އިން ގެނެސްދިން ވަރުގަދަ އެކްޝަން ފިލްމު "ކިލް" އެވެ. ފާހަގަކޮށްލަން ޖެހޭ ކަމަކީ ލަކްޝްގެ އިތުރުން އަނަންޔާ އަކީ ވެސް ދަރުމާ އިން ބޮލީވުޑަށް ނެރުނު ތަރިއެއްކަމެވެ.
އަނަންޔާފެ ފުރަތަމަ ފިލްމަކީ އެ ސްޓޫޑިއޯގެ 2019 ގެ "ސްޓޫޑެންޓް އޮފް ދި އިޔާ 2" އެވެ. ދާދި ފަހުން ދަރުމާ އިން ގެނެސްދިން ވެބް ސީރީޒް "ކޯލް މީ ބޭ" ގެ ބަތަލާ އަކީ ވެސް އަނަންޔާ އެވެ.