ބޮލީވުޑްގެ ތަރިން ކަމަށްވާ ސިދާތު މަލްއުތުރާ އާއި ސާރާ އަލީ ޚާން ފޯކް ތުރިލާއަކަށް ސޮއިކޮށްފި އެވެ.
އެކްތާ ކަޕޫރްގެ ބާލާޖީ އާއި ޓީވީއެފް ގުޅިގެން ހަދަން ނިންމާފައިވާ ފިލްމުގެ ނަމަކީ "ވަން" އެވެ. މީގެ މޯޝަން ޕޯސްޓަރެއް ވެސް މިހާރު އާންމުކޮށްފައިވާ އިރު، ފިލްމުގެ ޑައިރެކްޓަރަކީ އެމެޒޯން ޕްރައިމް ވީޑިއޯގެ މަގުބޫލު ސީރީޒް "ޕަންޗަޔަޓް" ގެނެސްދިން ދީޕަކް ކުމާރު މިޝްރާ އެވެ.
"ވަން" ގެ ޓެގް ލައިނަކީ "ފޯސް އޮފް ދަ ފޮރެސްޓް" އެވެ. މި ފިލްމު އަންނަ އަހަރު ބެލުންތެރިންނަށް ގެނެސްދޭނެ އެވެ.
"ވަން" ވާނީ ބަތަލާ ކިއާރާ އަދުވާނީގެ ފިރިމީހާ ސިދާތާއި މަޝްހޫރު އެކްޓަރު ސައިފް އަލީ ޚާންގެ ދަރިފުޅު، ސާރާގެ ޖޯޑު އެކީގައި ފެންނާނެ ފުރަތަމަ ފިލްމަށެވެ.