މި އަހަރު ނިމުމުގެ ކުރިން މާލެ ސަރަޙައްދުގެ ސަރުކާރުގެ ހޮސްޕިޓަލްތަކުގެ އޮޕަރޭޝަން ތިއޭޓަރުތަކުގެ އަދަދު 12 އަށް އިތުރުކުރަން އަމާޒު ހިފާފައިވާ ކަމަށް ނެކަމަށް ދަރުމަވަންތަ ހޮސްޕިޓަލްގެ ސީއީއޯ އިބްރާހީމް އަބްދުއްރައްޒާގު ޙަލީމް ވިދާޅުވެއްޖެ އެވެ.
ދައުލަތުގެ މީޑިއާ، ޕީއެސްއެމްގައި އޭނަ ވިދާޅުވީ މިހާރު އައިޖީއެމްއެޗްއާއި ދަރުމަވަންތަ ހޮސްޕިޓަލްގައި ޚިދުމަތް ދެމުން ގެންދަނީ ހަތަރު އޮޕަރޭޝަން ތިއޭޓަރުގައިކަމަށެވެ. އައިޖީއެމްއެޗްގެ ބެޑް ކެޕޭސިޓީ އިތުރުވުމާއެކު އެ އަދަދު އަށެކަށް އަރާނެ ކަމަށާއި މި އަހަރު ނިމުމުގެ ކުރިން މާލެ ސަރަހައްދުގައި ހުރި ސަރުކާރު ހޮސްޕިޓަލްތަކުގެ އޮޕަރޭޝަން ތިއޭޓަރުތަކުގެ އަދަދު 12 އަށް އިތުރުވާނެ ކަމަށް ވެސް ވިދާޅުވިއެވެ.
ޙަލީމް ވިދާޅުވީ ހުޅުމާލެ ހޮސްޕިޓަލް ތަރައްގީ ކުރުމުގެ މަސައްކަތުގެ ތެރެއިން ހަތަރު އޮޕަރޭޝަން ތިއޭޓަރާއި 14 އެނދުގެ އެންއައިސީޔޫއަކާއި 10 އެނދުގެ އައިސީޔޫއެއް ތަރައްޤީކުރުމުގެ މަސައްކަތް ހިނގަމުން އަންނަ ކަމަށެވެ. އެހެންވެ މިހާެު އައިޖީއެމްއެޗަށް ބާރުބޮޑުވާ މައްސަލައަށް ވެސް ހައްލެއް ލިބޭނެ ކަމަށް ވިދާޅުވި އެވެ.