ރާއްޖޭގައި މިހާރު ހަރަކާތްތެރިވަމުން އަންނަ ޗައިނާގެ ލޮލުގެ ޑޮކްޓަރުންގެ ޓީމުން ތިން ދުވަހުގެ ތެރޭގައި 60 އެއްހާ ސާޖަރީ ހަދައިފި އެވެ.
ފަރުވާގެ މި ކޭމްޕަކީ ޗައިނާ ސަރުކާރުގެ އެހީގައި އެ ކޮންމެ އަހަރަކު ވެސް ހިންގަމުން އަންނަ ކޭމްޕެކެވެ.
ޗައިނާގެ ޓީމުން ލޮލުގެ ފަރުވާ ދިނުމުގެ ކޭމްޕް މިފަހަރު ކުރިއަށް ގެންދަނީ ހުޅުމާލޭ ހޮސްޕިޓަލްގަ އެވެ. އެގޮތުން ކޭމްޕް ކުރިއަށްދާ ގޮތަށް ހެލްތު މިނިސްޓަރު ޢަބްދުﷲ ނާޒިމް އިއްޔެ ހޮސްޕިޓަލަށް އިއްޔެ ވަޑައިގެން ބައްލަވާފައިވެ އެވެ. މިނިސްޓަރުގެ އެ ޒިޔާރަތުގައި އަރިހުގައި ޗައިނާގެ ސަފީރު ސަފީރު ވާން ލިޒިންގެ ވެސް ބައިވެރިވެވަޑައިގެންނެވި އެވެ.
ކޭމްޕާ ގުޅޭގޮތުން ސަފީރު ސޯޝަލް މީޑިއާ ޕޯސްޓެއްގައި ފާއިތުވި ތިން ދުވަހުގެ ތެރޭގައި ޗައިނާގެ ޓީމުން 60 އެއްހާ ސާޖަރީ ހަދާފައިވާ ކަމަށެވެ.
ލޮލުގެ ފަރުވާގެ މި ކޭމްޕުގައި ލޮލުގެ އެކި ބަލިތަކަށް ފަރުވާ ދިނުމުގެ އިތުރުން ލެންސު ނުސާފުވެފައިވާ މީހުންނަށް ހާއްސަ ސާޖަރީތަކެއް ހެދުން ކުރިއަށް ގެންދެ އެވެ.
މި އައި ކޭމްޕް ޗައިނާ އިން ރާއްޖެ އަށް ފެށީ 2016 ގަ އެވެ. އެގޮތުން ކޭމްޕްގެ ތެރެއިން މިހާތަނަށް 5،000 އަށްވުރެ ގިނަ ފަރުވާދީ 600 އަށް ވުރެ ގިނަ މީހުންންނަށް ލޮލުގެ ސާޖަރީ ހަދައި ދީފައިވެ އެވެ.