މާލޭގައި ސިލްސިލާކޮށް މާރާރީ ހިންގަމުން ދިޔަ މައްސަލައެއްގައި ބަޔަކު ހައްޔަރުކޮށް، ބަންދުގެ މުއްދަތު ޖަހައިފި އެވެ.
ކްރިމިނަލް ކޯޓުން ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކޮށްފައި ވަނީ ދިވެހި ހަތަރު ފިރިހެނެކެވެ.
އެއީ 21 އަހަރުގެ ދެ ފިރިހެނުންނާއި 22 އަހަރު އަދި 23 އަހަރުގެ މީހެކެވެ.
ބަންދު އަމުރުގައިވާ ގޮތުން އެ މީހުންގެ މައްޗަށް ތުހުމަތުކޮށްފައި ވަނީ ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގުމެވެ. އަދި އެ އެންމެންނަކީ ވެސް ބަންދުގެ ރެކޯޑް ވެސް އޮތް ބައެކެވެ.
ބަންދު އަމުުރުގައި ފާހަގަކޮށްފައިވާ މާރާމާރީތަކެއް ހިންގުމަށް ފަހު އެ މީހުން އދ. މަހިބަދު އަށް ގޮސްފައިވެ އެވެ. އެގޮތުން
އެ މީހުން ހައްޔަރުކުރީ ވެސް އެ ރަށުންނެވެ.
ކްރިމިނަލް ކޯޓުން އިއްޔެ ވަނީ އެ އެންމެން ވެސް ޝަރީއަތް ނިމެންދެން ބަންދު ކުރުމަށް އަމުރުކޮށްފަ އެވެ.
މާލޭގައި ގޭންގް މާރާމާރީ އަކީ އާންމުވެފައިވާ ބޮޑު މައްސަލައެކެވެ. އެގޮތުން ހުޅުމާލޭގައި ގްރޫޕަކުން މީހަކު ރަހީނުކޮށްގެން އުޅުނު މައްސަލައެއްގައި އިއްޔެ ރޭ 12 މީހަކު ހައްޔަރުކޮށްފައިވެ އެވެ.