އަންހެން ވިޔަފާރިވެރިންނަށް ޚާއްސަކޮށްގެން ދޫކުރަން ނިންމި "ފަށާ މަދަދު" ލޯނު 60 ފަރާތަކަށް ދޭން ނިންމާފައިވާ ކަމަށް އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީން) އިން ބުނެފި އެވެ.
މި ސްކީމުގެ ދަށުން ހަ ޕަސެންޓްގެ އިންޓްރެސްޓް ރޭޓުގައި އަލަށް ވިޔަފާރި ފަށާ ފަރާތްތަކަށް 500،000ރ. ލޯނު ދޭނެ އެވެ. އަނބުރާ ފައިސާ ދެއްކުމަށް އެއް އަހަރުގެގްރޭސް ޕީރިއަޑެއް ލިބޭނެ އެވެ. އަދި 7 އަހަރު ދުވަހަަށް ބަހާލައިގެން ފައިސާ ދެއްކޭނެ އެވެ.
އެސްޑީއެފްސީން ބުނީ ލޯނު 60 ފަރާތަކަށް ދޭން މިހާރު ނިންމާފައިވާ ކަމަށާއި އެއީ 14 މިލިއަން ރުފިޔާ ކަމަށެވެ. ލޯނު ފުރަތަމަ ލިބޭ ފަރާތްތަކުގެ ތެރޭގައި 16 އަތޮޅަކަށް ނިސްބަތްވާ މީހުން ހިމެނެ އެވެ. އޭގެ ތެރެއިން ބައެއް ފަރާތްތަކަށް ލޯނުގެ ލިޔުން ވެސް މިހާރު ވަނީ ހަވާލުކޮށްފަ އެވެ.
"ފަށާ މަދަދު" ސްކީމަކީ އަންހެން ވިޔަފާރިވެރިންގެ ތެރެއިން އާމްދަނީ ކަށަވަރު ނުވުމުގެ ސަބަބުން އާންމު ބޭންކިން ނިޒާމުން މާލީ އެހީ ނުލިބޭ ފަރާތްތަކަށް ހާއްސަ ސްކީމެކެވެ.