ބޮލީވުޑްގެ ޑައިރެކްޓަރު ރޯހިތު ޝެޓީގެ ކޮމެޑީ ފްރެންޗައިޒް "ގޯލްމާލް" ގެ ފަސް ވަނަ ބަޔަށް ތައްޔާރުވާން ފަށައިފި އެވެ.
މީޑިއާތަކުން ބުނީ މާ ލަސްތަކެއް ނުވެ، އެ ފިލްމު ރަސްމީކޮށް އިއުލާން ކުރާނެ ކަމަށެވެ.
ބޮލީވުޑްގެ އެންމެ ކާމިޔާބު ޑައިރެކްޓަރުމްގެ ތެރޭގައި ހިމެނޭ ރޯހިތުގެ އެންމެ ފަހުގެ ފިލްމަކީ އޭނަގެ ކޮޕް ޔުނިވާސްގައި ހިމެނޭ އަޖޭ ދޭވްގަންގެ "ސިންގަމް" ފްރެންޗައިޒްގެ ތިން ވަނަ ބަ އެވެ. މި މަހުގެ 1 ގައި ރިލީޒްކުރި "ސިންގަމް އެގެއިން" އަށް އަންނަނީ ބޮޑު ތަރުހީބެއް ލިބެމުންނެވެ.
"ގޯލްމާލް" ފްރެންޗައިޒްގެ ވެސް މައިގަނޑު ތަރިއަކީ ރޯހިތުގެ އެންމެ ގިނަ ފިލްމުތައް ކުޅުނު، އޭނަގެ ގާތް އެކުވެރިޔާ އަޖޭ އެވެ. އެގޮތުން އެ ސީރީޒްގެ ހަތަރު ވަނަ ފިލްމު "ގޯލްމާލް އެގެއިން" ހޮރޯ-ކޮމެޑީއެއްގެ ގޮތުގައި ގެނެސްދިނީ 2017 އެވެ. "ގޯލްމާލް" ގެ ފުރަތަމަ ފިލްމު ރިލީޒްކުރީ 2006 ގަ އެވެ. އޭގެ ފަހުން 2008 ގައި "ގޯލްމާލް ރިޓާންސް" ގެނެސްދިނުމަށް ފަހު "ގޯލްމާލް 3" ރިލީޒްކުރީ 2010 ގަ އެވެ.