ހުޅުމާލޭގެ ހިޔާ ޓަވަރެއްގެ އެޕާޓްމަންޓެއްގައި މީހަކު ރަހީނު ކުރި މައްސަލައިގައި ހައްޔަރުކުރި މީހުންގެ ވަނަވަރު އާންމުކޮށް އެ މީހުންގެ ބަންދަށް މުއްދަތު ޖަހައިފި އެވެ.
އުމުރުން 31 އަހަރުގެ ފިރިހެނަކު ރަހީނުކުރި މައްސަލައިގައި މިދިޔަ ބުރާސްފަތި ދުވަހުގެ ރޭ ހިޔާ ޓަވަރެއްގެ 20 ވަނަ ފަންގިފިލާގައި ކަން އެނގުމުން ކޯޓު އަމުރެއްގެ ދަށުން އެ އެޕާޓްމަންޓްގެ ދޮރު ވައްޓާލައިގެން ފުލުހުން ވަދެ 12 މީހަކު ހައްޔަރުކޮށްފައިވެ އެވެ.
އެކި ގޭންގްތަކަށް ނިސްބަތްވާ އެ މީހުންނަކީ:
1. އަލްމާން އަލީ ޚާލިދު، 22، ވެހި، ގދ. ވާދޫ
2. މުހައްމަދު އިޒްކާން، 18، މ. ހަތިކަނޑު، މާލެ
3. އިޒާން އަހުމަދު، 18، ޒުނައިޓްވިލާ، ކ. ގުރައިދޫ
4. އަހުމަދު ޒާހިދު، 36، ދަންމަރު، ށ. ފޯކައިދޫ
5. އާދަމް ހުސައިން، 48، ޖަމީލާމަންޒިލް، ލ. މާވަށް
6. އިބްރާހިމް ނަޝީދު، 34، ހިޔަލީގުލްޝަން، ލ. އިސްދޫ
7. އަހްމަދު ސަމީހު، 22، ނައިޓްސްޓާރ، ބ. ގޮއިދޫ
8. އިސްމާއީލް ވިސާމް މުހައްމަދު، 29، ވ.ގާމާ، ކ.މާލެ
9. ވިޝާމް މުހައްމަދު، 23، ޗިޗަންޑާގެ، ގދ. ވާދޫ
10. ވިސާން މުހައްމަދު، 30، ހުޅުމާލެ،ހިޔާ 14-17-03، މާލެ
11. މުޝްތާގު ޝާކިރު، 37، ޖަނަވަރީގެ ގދ.ވާދޫ
12. ހަސަން ޣާލިބު، 38، އާރެސް، މ. ކޮޅުފުށި
މި މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން އޭގެ ތެރެއިން 5 މީހަކު 5 ދުވަހަށް ބަންދު ކުރުމަށް އަމުރުކޮށްފައިވާ އިރު، އަނެއް 7 މީހުންގެ ބަންދަށް 7 ދުވަސް ޖަހާފައިވެ އެވެ.
މި މައްސަލަ މިހާރު އަންނަނީ ސީރިއަސް މައްސަލައެއްގެ ގޮތުގައި ބަލަމުންނެވެ.