މި އަހަރުގެ ޖެނުއަރީ މަހުގެ ތެރޭގައި ވެސް ރާއްޖެ އައި ބޮލީވުޑްގެ ކުރީގެ ބަތަލާ ބިޕާޝާ ބާސޫ އަނެއްކާ ވެސް ޗުއްޓީ އަށް ރާއްޖެ އަތުުވެއްޖެ އެވެ.
އޭނަ މި ފަހަރު ހުރީ އޯޒެން ރިޒާވް ބޮލިފުށީގަ އެވެ. އެތަނުގައި ނަގާފައިވާ ފޮޓޯތަކާއި ވީޑިއޯތަކެއް ސޯޝަލް މީޑިއާގައި ޕޯސްޓް ވެސް ކޮށްފައިވެ އެވެ. އެކަމަކު އެއިން ޕޯސްޓެއްގައި އޭނަގެ ފިރިމީހާ އެކްޓަރު ކަރަން ސިންގް ގްރޯވާ އާއި ދަރިފުޅު ދޭވީއެއް ނުފެނެ އެވެ.
ޖެނުއަރީގައި ބިޝާޕާ ރާއްޖެ އައި ފިރިމީހާ އާއި ދަރިފުޅާ އެކީގަ އެވެ. އޭނަގެ މި ފަހަރުގެ މި ދަތުރަކީ ރާއްޖެ އައި 13 ވަނަ ފަހަރެވެ. ވަރަށް ކާމިޔާބު ފިލްމުތަކެއް ކުޅެފައިވާ ބަތަލާ 2016 ގައި ކައިވެނި ކުރި ފަހުން ވަނީ އިންޑަސްޓްރީއާ ދުރުވެފަ އެވެ.
އިންޑިއާ އިން ރާއްޖެ އަށް މި އަހަރުގެ މިހާތަނަށް 100،000 އަށް ވުރެ ގިނަ ޓޫރިސްޓުން އައިސްފައިވާ އިރު، އެ ގައުމު ހިމެނެނީ އެންމެ ގިނަ ޓޫރިސްޓުން 10 ގައުމުގެ ލިސްޓްގެ ހަ ވަނައިފަ އެވެ.