އިހަވަންދިއްޕޮޅުގައި ތަރައްގީ ކުރަން ހަމަޖެހިފައިވާ މޯލްޑިވްސް އިކޮނޮމިކް ގޭޓްވޭ މަޝްރޫއުގެ އަމަލީ މަސައްކަތް ކުރިއަށް އޮތް ހަ މަސް ދުވަހުގެތެރޭގައި ފެށޭނެ ކަމަށް އިކޮނޮމިކް މިނިސްޓަރު މުޙައްމަދު ސައީދު ވިދާޅުވެއް ޖެއެވެ.
އެތަނުގައި ތަރައްގީކުރާ ޕޯޓް މަޝްރޫއުފެ ފްރޭމްވޯކް ސިންގަޕޫރުގެ ކެޕިޓަލް އޭޝިއާ އިންވެސްޓުމަންޓް ސީއޭއައި) އާ ހަވާލުކުރުމާ ގުޅިގެން ދައުލަތުގެ މިޑިއާ، ޕީއެސްއަމަށް މިނިސްޓަރު ވިދާޅުވީ ފްރޭމްވޯކް އެގްރިމެންޓުގައި ސޮއިކުރުމާ ގުޅިގެން ކުންފުނީގެ ފަރާތުން މަސައްކަތް ކުރިއަށް ގެންދާނެގޮތުގެ ތާވަލެއް އެކުލަވާލައި ތަފުސީލީ އެގްރިމެންޓެއްގައި ވެސް ކުރިއަށް އޮތް ހަ މަހުގެ ތެރޭގައި ސޮއިކުރެވޭނެ ކަމަށެވެ.
"ދެން އަމަލީ މަސައްކަތްތައް ފެށުމަށް އެ ކުންފުނީގެ ޓެކްނިކަލް ބޭފުޅުން އެތަނަށް އައުމާއި، އެކި ކަހަލަ ދިރާސާތައް ކުރުމާއި، މަސައްކަތްތައް ކުރިއަށް ގެންދިޔުމުގައި ގެންދަން ޖެހޭ ހުރިހާ އިންތިޒާމުތަކެއް ކުރިއަށް ގެންދާނެ." ސައީދު ވިދާޅުވި އެވެ.
އިހަވަންދިއްޕޮޅު މަޝްރޫއުގެ ފުރަތަމަ ފިޔަވަހީގައި 100 މިލިޔަން ޑޮލަރުގެ އިންވެސްޓްމަންޓެއް ސީއޭއައިގެ ފަރާތުން ހިންގާނެ އެވެ. އަދި މަޝްރޫޢަށް ފަންޑުކުރާނީވެސް އެ ކުންފުނިންނެވެ.
"ދައުލަތުން ބާޑަންއެއް ނަގަން ނުޖެހި، ޕްރައިވެޓް ޕަބްލިކް ޕާޓްނާޝިޕް މޮޑެލްގައި ކުރިއަށްގެންދާ އިރުގައި، ކޮންފިޑެންސް ނުވަތަ ޔަޤީންކަން ގެނައުމަކީ ކުރަން ޖެހޭ ކަމެއް ވަރަށް ގިނަ މަސައްކަތްކުރެވިގެން 100 މިލިޔަން ޑޮލަރުގެ މަޝްރޫޢަކާ ހަމައަށް މި ދިޔައީ." މިނިސްޓަރު ވިދާޅުވި އެވެ.
އެގޮތުން ބައިނަލްއަގުވާމީ ޕޯޓު ފެސިލިޓީތަކާއި، ބޯޓު މަރާމާތުކުރުމުގެ ޚިދުމަތާއި، ބަންކަރިން ޚިދުމަތާއި، ކުރޫޒް ޓޫރިޒަމެއް ތަރައްގީ ކުރުމާއި ޓޫރިޒަމާ ގުޅުންހުރި އިތުރު މަސައްކަތްތަކާއި ރިއަލް އެސްޓޭޓުގެ ވިޔަފާރި އާއި، އެކްސްޕޯޓް ޕްރޮސެސިން ޒޯނެއް ވެސް ތަރައްގީ ކުރަން ހަމަޖެހިފައިވެ އެވެ.