އިންޑިއާ އިން ރާއްޖެ ހަދިޔާކޮށްފައިވާ ކޯސްޓްގާޑު އުޅަނދު "ހުރަވީ" މަރާމާތަށް އިންޑިއާ އަށް ދަތުރު ފަށައިފި އެވެ.
ރާއްޖޭގައި ހުންނަ އިންޑިއާ އެމްބަސީން އިއްޔެ ސޯޝަލް މީޑިއާ ޕޯސްޓެއްވައި ބުނީ އެ އުޅަނދު ބަލައި ރާއްޖެ އައީ އިިންޑިއާ ކޯސްޓްގާޑުގެ "ތަލްވާރު" ކަމަށާއި "ހުރަވީ" މަރާމާތުކޮށް ސާވިސް ކުރާނީ މުމްބާއީގެ ޑޮކްޔާޑެއްގައި ކަމަށެވެ.
Committed to enhancing capacities!
INS Talwar @indiannavy departed Male’, accompanying @MNDF_Official CGS Huravee for her refit at Naval Dockyard, Mumbai.
🇮🇳 🤝🇲🇻@SpokespersonMoD@IndianDiplomacy pic.twitter.com/UkFYFFAMQt
— India in Maldives (@HCIMaldives) November 10, 2024
މި އުޅަނދަކީ އެ ނަމުގައި އެމްއެންޑީފް ކޯސްޓުން ބޭނުން ކުރަމުން އައި އުޅަނދުގެ ބަދަލުގައި އިންޑިއާ ސަރުކާރުން ހަދިޔާކޮށްފައިވެ އެވެ. އޭގެ ފަހުން އޭގެ "ރީފިޓް" މުޅިން ހިލޭ ސާބަހަށް ކޮށް ދެނީ އިންޑިއާއިންނެވެ. އެގޮތުން މިހާތަނަށް އެކި ފަހަރު މަތިން "ހުރަވީ" އިންޑިއާގައި ސާވިސްކޮށްފައިވެ އެވެ.
އެމްއެންޑީއެފްގެ އުޅަނދުތައް ރާއްޖެއިން ރީފިޓު ނުކުރެވެނީ ރާއްޖޭގައި އެފަދަ ހިދުމަތެއް ދެވޭނެ އަސްކަރީ ޑޮކެއް ނެތުމުންނެވެ.