އެމްޑީޕީން "ފުދިއްޖެ-ފުނޑިއްޖެ" ނަމުގައި މާދަމާ ރޭ މާލޭގައި މުޒާހަރާއެއް ބާއްވަން ތައްޔާރުވާން ފަށައިފި އެވެ.
އެ ޕާޓީން ބުނީ އާޓިފިޝަލް ބީޗުގައި މުޒާހަރާ ފަށަން ހަމަޖެހިފައި ވަނީ މާދަމާ ރޭ 8:30 ގައި ކަމަށެވެ. އެހެންވެ ވީހާ ވެސް ގިނަ ބަޔަކު އޭގައި ބައިވެރިވާން އެދިފައިވެ އެވެ. މުޒާހަރާގައި ބައިވެރުވުމަކީ ވަރަށް ބޮޑު އެދުމެއް ކަމަށެވެ.
ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގަތުމާ އެކީ އެމްޑީޕީން ދަނީ ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުކިޔަމުންނެވެ. އެގޮތުން މިހާރު ސަރުކާރުން ކަންކަން ކުރަމުން އަންނަނީ ރިޔާސީ އިންތިހާބުގެ ކެމްޕޭންގެ ތެރޭގައި ވި ވައުދުތަކާ މުޅިން ހިލާފަށް ކަމަށް އެ ޕާޓީން އަންނަނީ ބުނަމުންނެވެ.
އެމްޑީޕީން އެންމެ ގިނައިން ދައްކާ އެއް ވާހަކަ އަކީ ރައީސް ދޮގު ހައްދަވާކަމުގެ ވާހަކަ އެވެ.