ރާއްޖޭގެ އެންމެ އުސް އިމާރާތުގެ ގޮތުގައުި ހުރި މާލޭގެ ދަރުމަވަންތަ ހޮސްޕިޓަލް މި މަހުގެ 16 ގައި ރަސްމީކޮށް ހުޅުވަން ނިންމައިފި އެވެ.
އައިޖީއެމްއެޗާ އިންވެގެން އިމާރާތްކޮށްފައިވާ އެ ހޮސްޕިޓަލަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ހިންގި އެންމެ ބޮޑު އެއް މަޝްރޫއެވެ. ދަރުމަވަންތަ ހޮސްޕިޓަލް ރަސްމީކޮށް ހުޅުވަން މި ސަރުކާރުން މި ނިންމީ އެތަނުން ބޭނުން ކުރަމުން އަންނަތާ ފަސް އަހަރު ފަހުންނެވެ.
ރޭ ބޭއްވި ޖުމްހޫރީ ދުވަހުގެ ޖަލްސާގައި ރައީސް ވަނި އެތަން މި މަހުގެ 16 ގައި ރަސްމީކޮށް ހުޅުވާނެކަން އިއުލާން ކުރައްވައިފަ އެވެ.
"ދައުމަވަންތަ ހޮސްޕިޓަލް ހަގީގީ ހޮސްޕިޓަލަކަށް ހަދައި، ޓާޝަރީ ހޮސްޕިޓަލެއްގެ ގޮތުގައި ހުރިހާ ފެސިލިޓީއެއް ގާއިމްކޮށްފައި ނޮވެމްބަރު 16 ގައި އިރާދަކުރެއްވިއްޔާ އަޅުގަނޑުމެން ހުޅުވާނަން." އެ މަނިކުފާނު ވިދާޅުވި އެވެ.
ރައީސް ވިދާޅުވީ، ދަރުމަވަންތަ ހޮސްޕިޓަލަކީ ހޮހޮޅައެއް ކަމަށް ބައެއް ފަރާތްތަކުން ސިފަކޮށްފައިވާ އިރު، ފާއިތުވި ފަސް އަހަރު އެތަނުގެ ބޮޑުބަ އެއް އެއްވެސް ބޭނުމެއް ނުކޮށް ހުރުމުގެ ސަބަބުން މެޝިނަރީތައް ހަލާކުވެ، މަރާމާތައް ވަރަށް ބޮޑު ހޭދައެއް ވެސް ކުރަން ޖެހުނު ކަމަށެވެ.