ފެންނަމުން އަންނަނީ ވެރިކަމުގެ ނިޒާމު ހަރާބު ކުރަމުންދާ މަންޒަރު ކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.
ފައްޔާޒް މިހެން ވިދާޅުވީ ޖުމްހޫރީ ދުވަހުގެ ހެޔޮއެދުމާއި ތަހުނިޔާ ރާއްޖޭގެ އެންމެހާ ރައްޔިތުންނަށް އަރިސް ކުރަމުން ސޯޝަލް މީޑިއާގައި ކުރި ޕޯސްޓެއްގަ އެވެ.
ފައްޔާޒު "އެކްސް"ގައި ކުރެއްވި ޕޯސްޓެއްގައި ވިދާޅުވީ ދިވެހި ޖުމްހޫރިއްޔާ އަށް 56 އަހަރު ފުރޭ މި ދަނޑިވަޅުގައި ފެންނަމުން ދަނީ ހަމަހަމަކަމާ އެކު ކުރާ ހެޔޮ ވެރިކަމެއްގެ އުންމީދު ގެއްލި ވެރިކަމުގެ ނިޒާމު ޚަރާބުކުރަމުންދާ މަންޒަރު ކަމަށެވެ. ރައްޔިތުންގެ ބުރަ މަސައްކަތުން ހޯދި ހައްގުތަކާއި ބާރުތައް ނިގުޅައިގަތުމުގެ ފުރުސަތު ނުދިނުމަށް މިފަދަ ދުވަހެއްގައި އަޒުމް އާކުރަން ޖެހޭ ކަމަށް ފައްޔާޒު ވިދާޅުވި އެވެ.
ޖުމްހޫރީ ދުވަހުގެ ހެޔޮއެދުމާއި ތަހުނިޔާ ރާއްޖޭގެ އެންމެހާ ރައްޔިތުންނަށް އަރިސްކުރަން. ދިވެހި ޖުމްހޫރިއްޔާއަށް 56 އަހަރު ފުރޭ މި ދަނޑިވަޅުގައި ފެންނަމުން ދަނީ ހަމަހަމަކަމާއެކު ކުރާ ހެޔޮ ވެރިކަމެއްގެ އުންމީދު ގެއްލި ވެރިކަމުގެ ނިޒާމު ޚަރާބުކުރަމުންދާ މަންޒަރު. ރައްޔިތުންގެ ބުރަ…
— Fayyaz Ismail (@faya_i) November 11, 2024
ރާއްޖޭގައި ޖުމްހޫރީ ދުވަސް ފާހަގަކުރަނީ ޒަމާންވީ ރަސްކަމުގެ ނިޒާމަކުން ޖުމްހޫރިއްޔަަތަކަށް 1968 ވަނަ އަހަރު ބަދަލުވުމުންނެވެ. މި އަހަރު ފާހަގަކުރާނީ ރާއްޖޭގެ 55 ވަނަ ޖުމްހޫރީ ދުވަހެވެ.