ހޮލީވުޑްގެ މަޝްހޫރު ތަރި، ޓޮމް ކްރޫޒްގެ "މިޝަން އިމްޕޮބިސަލް" ފްރެންޗައިޒްގެ އަށް 8 ބައިގެ ޓީޒާ ޓްރެއިލާއެއް ދައްކާލައިފި އެވެ.
"މިޝަން އިމްޕޮސިބަލް: ދަ ފައިނަލް ރެކޮނިން" ގެ ނަން ދީފައިވާ މި ފިލްމު ސިނަމާތަކަށް ގެންނަން ނިންމާފައި އަންނަ އަހަރުގެ މެއި 23 ގަ އެވެ. ފިލްމުގެ ފުރަތަމަ ޓީޒާ އިން ވެސް ފެންނަ ގޮތުގައި މިއީ މި ސީރީޒްގެ ކުރީގެ ފިލްމުތަކާ އެއްގޮތަށް ކްރޫޒްގެ ޖެހިލުން ކުޑަ ސްޓަންޓްތަކާއި ވަރުގަދަ އެކްޝަންތަކެއް ވެސް ފެންނާނެ ފިލްމެކެވެ.
އަންނަ އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "މިޝަން އިމްޕޮސިބަލް: ދަ ފައިނަލް ރެކޮނިން" ޑައިރެކްޓްކުރީ މި ސީރީޒްގެ އެންމެ ފަހުގެ ތިން ފިލްމު ވެސް ޑައިރެކްޓްކުރި ކްރިސްޓޮފާ މެކްއަރީ އެވެ.
އޭނަ މިދިޔަ އަހަރު ގެނެސްދިން "މިޝަން އިމްޕޮސިބަލް: ޑެޑް ރެކޮނިން" އަކީ ބޮކްސް އޮފީހުގައި 570.6 މިލިއަން ޑޮލަރުުގެ އާމްދަނީއެއް ހޯދި ފިލްމެކެވެ. ފިލްމު ގެނެސްދިނީ 219 މިލިއަން ޑޮލަރުގެ ބަޖެޓަކުންނެވެ.