ފުޓްބޯލް އެސޯސިއޭޝަން އޮފް މޯލްޑިވްސް އެފްއޭއެމް) އާ ޖެނެރަލް ސެކްރެޓަރީގެ މަގާމަށް ނާހިލް އަހުމަދު ސިއްދީގު އައްޔަންކުރަން ނޯމަލައިޒިން ކޮމިޓީން ނިންމައިފި އެވެ.
ނާހިލް، 24، މިވަގުތު ވަޒީފާ އަދާކުރަމުން އަންނަނީ ސްޕޯޓްސް މިނިސްޓްރީގަ އެވެ.
އޭނަ އެފްއޭއެމްގެ ޖެނެރަލް ސެކްރެޓަރީގެ މަގާމަށް އައްޔަނުކުރަން ނޯމަލައިޒިން ކޮމިޓީން ނިންމީ މަގާމަށް ކުރިމަތިލި ފަރާތްތަކުގެ ވަނަވަރާއި ތައުލީމީ ތަޖުރިބާ އަދި އިންޓަވިއު އަށް ބެލުމަށްފަހު ކަމަށް އެ ކޮމިޓީން ބުންޏެވެ. ނާހިލް އަކީ ވެސްޓް އޮފް އިންގްލެންޑް ޔުނިވަސިޓީގެ ބިޒްނަސް މެނޭޖްމެންޓް އަދި ބިޒްނަސް އެޑްމިނިސްޓްރޭޝަނުން ފުރަތަމަ ޑިގްރީ އާއި މާސްޓާސް ޑިގްރީވެސް ހާސިލުކޮށްފައިވާ ޒުވާނެކެބެ.
އޭނަ ކުރިން ޒުވާން ގައުމީ ފުޓުބޯޅަ ޓީމަށް ވެސް ކުޅެފައިވެ އެވެ.
އެފްއޭއެމްގެ ޖެނެރަލް ސެކްރެޓަރީގެ މަގާމަށް ނާހިލް އައްޔަންކުރަން ނިންކި އިރު، އެތަނުގެ ކޮމްޕެޓިޝަން ޑިޕާޓްމަންޓްގައި ވެސް އޭނަ ކުރިން މަސައްކަތްކޮށްފައިވެ އެވެ.
އެފްއޭއެމްގެ ޖެނެރަލް ސެކްރެޓަރީގެ މަގާމު އެންމެ ފަހުން އަދާކުރީ ޖައުޝަން ޝަރީފެވެ.