މި މަހު އޮލިމްޕަހުގައި ބާއްވަން ތައްޔާރުވަމުން އަންނަ “އޮލިމްޕިއަންސް ވިތު ޔޫތު”ގެ ޓިކެޓު ވިއްކަން ފަށައިފި އެވެ.
ނެޝަނަލް ސެންޓަ ފޯ ދި އާޓްސް (އެންސީއޭ) އިން އިންތިޒާމުކުރާ މި އިވެންޓްގެ ޝޯތައް ކުރިއަށް ގެންދަން ނިންމާފައި ވަނީމިމަހު 17-19 އަށެވެ.
ޝޯގައި ކުރީގެ މަޝްހޫރު ބޭންޑް "އޮލިމްޕިއަންސް" ގެ އިތުރުން މިހާރު އާ ފަންނާނުން ފަފޯމްކުރާނެ އެވެ.
އެންސީއޭ އިން ބުނީ މި އިވެންޓް މަގުސަދަކީ ކުރީގެ ލަވަކިޔުންތެރިންނާއި މިހާރުގެ ލަވަކިޔުންތެރިން އެއް ޕްލެޓްޕޯމެއްގައި އާންމުންނަށް ހުށަހެޅުންތަކެއް ދައްކުވައި ދިނުން ކަމަށެވެ. މީގެ ސަބަބުން މިހާރުގެ ލަވަކިޔުންތެރިންގެ ހުނަރުތައް އިތުރަށް ތަރައްގީވުމަށް ވެސް ފުރުސަތު ފަހިވާނެ ކަމަށް ބުންޏެެވެ.
"އޮލިމްޕިއަންސް" ގެ ޝޯތަކެއް އެންމެ ފަހުން ބޭއްވީ 2017 ގަ އެވެ.
މި މަހު ބާއްވާ ޝޯތަކުގެ ޓިކެޓު މި ނަމްބަރު މެދުވެރިކޮށް 7906246 ހޯދޭނެ އެވެ.