ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއ އިން ބަންގްލަދޭޝްއަށް ކަނޑައަޅާ މަންދޫބުގެ މަގާމަށް ރާއްޖޭގެ ކުރީގެ ހެލްތު މިނިސްޓަރު ޑރ. އަހުމަދު ޖަމްޝީދު މުހައްމަދު ހަމަޖައްސައިފި އެވެ
އޭނަ އެ މަގާމާ ހަވާލުވެވަޑައިގަތުމުގެ ކުރިން ހުންނެވީ އުތުރު ކޮރެއާ އަަށް ކަނޑައަޅާފައި ހުންނަވާ މަންދޫބުގެ މަގާމުގަ އެވެ. ޖަމްޝީދު އެ މަގާމަށް އައްޔަންކރީ 2022 ގަ އެވެ.
ޑރ. ޖަމްޝީދަކީ ޕަބްލިކް ހެލްތުގެ ދާއިރާގައި 18 އަހަރަށް ވުރެ ގިނަ ދުވަހު މަސައްކަތްކުރައްވާފައިވާ ބޭފުޅެކެވެ. އޭނަ ދެކުނު އިރުމަތީ އޭޝިއާގެ ރީނަޖަލް އޮފީހާ ގުޅިވަޑައިގަތީ 2013 ގައި މެޑިކަލް އޮފިސަރެއްގެ ގޮތުގަ އެވެ. އޭގެ ފަހުން 2015 ގައި ރީނަޖަލް އެޑްވައިޒަރުގެ މަގާމާ ވެސް ފުރުއްވި އެވެ.
ޖަމްޝީދު ރާއްޖޭގެ ހެލްތު މިނިސްޓަރުގެ މަގާމު އަދާކުރެއްވީ 2012-2013 އަށެވެ.
އޭނަ މެޑިކަލް ޑިގްރީ ހާސިލުކުރެއްވީ އިންޑިއާގެ އިންދިރާ ގާންދީ މެޑިކަލް ކޮލެޖުންނެވެ. އަދި ލަންޑަނުގެ ސްކޫލު އޮފް ހައިޖިން އެންޑް ޓްރޮޕިކަލް މެޑިސިން އިން ޕަބްލިކް ހެލްތުގެ ދާއިރާއިން މާސްޓާސް ހާސިލުކުރެއްވި އެެވެ.