ފުލުހުންގެ ހިދުމަތް ދެމުން އަންނަ ހުރިހާ ރަށެއްގައި މިއަދު "ވޯކް އެންޑް ޓޯކް" ކުުރިއަށް ގެންދަން ނިންމައިފި އެވެ.
ފުލުހުން ބުނީ "ބައްދަލުވެލާ، ހިއްސާކުރައްވާ' ޝިއާރުގެ ދަށުން މި ހަރަކާތް ފަށަން ހަމަޖެހިފައި ވަނީ ހަވީރު 4:00 ގައި ކަމަށެވެެ. އެގޮތުން ފުލުހުން ގާއިމުވެ ތިބޭ ހުރިހާ ރަށެއްގައި މިކަން އިރުއޮއްސުމާ ހަމައަށް ކުރިއަށް ގެންދާނެ އެވެ.
އެގޮތުން "ވޯކް އެންޑް ޓޯކް" ގައި ފުލުހުން ރައްޔިތުންގެ ގާތަށް ގޮސް، ބައްދަލުކޮށް އެ މީހުންގެ ހުރި ކަންބޮޑުވުންތަކާއި ޝަކުވާތައް އަަޑު އަހައި، ފުލުހުންނާ ގުޅުން ހުރިހާ ދާއިރާތަކުން ހައްލު ކުރެވެން ހުރި ކަންކަން ހައްލުކޮށް ދޭން މަސައްކަތް ކުރާނެ އެވެ.
އެހެންވެ މިއީ ހާއްސަކޮށް މުޖުތަމައުގެ އަމާންކަމާއި ރައްކާތެރިކަމާ ގުޅޭ ގޮތުން އާންމުންގެ ހުރި ކަންބޮޑުވުން ސީދާކޮށް ފުލުހުންނާ ހިއްސާ ކުރަން ލިބޭނެ ވަރަށް ރަނގަޅު ފުރުސަތަކަށް ވާނެ އެވެ.
ފުލުހުން އަންނަނީ މި ފަހަކަށް އައިސް ސިލްސިލާކޮށް "ވޯކް އެންޑް ޓޯކް" ބާއްވަމުންނެވެ.