މޯލްޑިވްސް ޕޯޓްސް ލިމިޑެޓް (އެމްޕީއެލް) އިން ފުލުހުންނަށް ށް ފޯކް ލިފްޓެއް ފޯރުކޮށް ދިނުމަށް އެއްބަސްވުމެއްގައި ސޮއިކޮށްފި އެވެ.
މި އެއްބަސްވުމުގައި މިއަދު އެމްޕީއެލްގެ ފަރާތުން ސޮއިކުރެއްވީ ސީއީއޯ މުހައްމަދު ވަޖީހެވެ. ފުލުހުންގެ ފަރާތުން ސޮއިކުރެއްވީ ޕޮލިސް ކޮމިޝަނަރު އަލީ ޝުޖާއު އެވެ.
އެއްބަސްވުމުގެ ދަށުން ފުލުހުންހެ އެކި މަސައްކަތުގައި ބޭނުންކުރުމަށް އެމްޕީއެލް އިން ފަސް ޓަނުގެ ފޯކް ލިފްޓެއް ފޯރުކޮށް ދޭން ހަނަޖެހިފައިވެ އެވެ. ފުލުހުން ބުނީ މިއާއެކު މާލޭގެ މަގުތަކުގައި ގަވައިދާ ހިލާފަށް ބަހައްޓާފައި ހުންނަ ވެހިކަލްތައް ނެގުމަށް ފުލުހުން ކުރާ މަސައްކަތަށް އިތުރުކުރި އެރުމެއް ލިބޭނެ ކަމަށެވެ.
މާލޭގެ މަގުތަކުގައި ގަވައިދާ ހިލާފަށް ހުންނަ ވެހިކަލްތައް ނެގުމަށް ފުލުހުން ޕަބްލިކް ވޯކްސް މިނިސްޓްރީގެ އެހީތެރިކަން ވެސް ހޯދަމުން ދެ އެވެ.