އައްޑޫ ހުޅުދޫން ދޫކުރި ގޯތިތައް ލިބުނު ފަރާތްތަކާ ބިންތައް ހަވާލު ކުރަން ފަށައިފި އެވެ.
ހުޅުދޫ އަވަށު އޮފީހުން ބުނި ގޮތުގައި "މާފިށި" ސަރަހައްދުން ގޯތި ލިބުނު ބައެއް މީހުންނާ މިއަދު ވަނީ ގޯތިތައް ހަވާލުކޮށްފަ އެވެ. ހުޅުދޫން 100 މީހަކަށް ގޯތި ދޫކޮށްފައިވެ އެވެ.
ހުޅުދޫގެ އިތުރުން މިދިޔަ އެ އަވަށާ އިންވެގެން އޮންނަ މީދޫގެ އިތުރުން ފޭދު އާއި ހިތަދޫން ވެސް ގޯތިތަކެއް ދޫކޮށްލައިފެ އެވެ. އެގޮތުން ހަތަރު އަވަށުން 1،000 ގޯއްޗަށް ހުޅުވައިލި އެވެ. އެއީ ހިތަދޫން 500 ގޯއްޗާއި ފޭދޫން 300 ގޯއްޗާއި ހުޅުދޫން 100 ގޯއްޗާއި މީދޫން 100 ގޯއްޗެކެވެ.
ހުޅުދު އާއި މީދޫން ދޫކުރަން ނިންމީ 2،000 އަކަފޫޓްގެ ގޯއްޗެވެ. އަނެއް ދެ އަވަށުން ދޫކުރަން ނިންމީ 1،500 އަކަފޫޓްގެ ގޯއްޗެކެވެ.
މި އަވަށްތަކުން ދޫކުރަން ނިންމި ގޯތިތަކުގެ ތެރެއިން ގިނަ އަދަދެއްގެ ގޯތި މިހާތަނަށް ހަވާލުކުރެވިފައިވާ ކަމަށް ކައުންސިލުން ބުނެ އެވެ.