މި އަހަރުގެ މިސް ޔުނިވާސް މިއަދު ހޮވަން ތައްޔާރުވަމުން އަންނަނިކޮށް، މި މުބާރާތުން އިތުރު ދެ ރީތީީގެ ރާނީއަކަށް މުބާރާތާ އަލްވަދާއު ކިޔަން ޖެހިއްޖެ އެވެ.
ޕެނަމާގެ ރީީތީގެ ރާނީ، އިޓަލީ މޯރާ މިސް ޔުނިވާސްގެ އުސޫލަކާ ހިލާފުވެގެން މުބާރާތުން ވަނިކޮށްފައި ވަނިކޮށް މި ފަހަރު މުބާރާތް ދޫކޮށްލަން ޖެހުނީ ދެކުނު އެފްރިކާގެ ރީތީގެ ރާނީ، މިއާ ލި ރޫޒް އާއި ކޮސޯވޯގެ ރީީތީގެ ރާނީ އެޑޯނާ ބަޖްރާމީއަށެވެ.
އެ ދެ މީހުން ވެސް މުބާރާތުން ވަކިވީ އަމިއްލައަށެވެ. އަދި އެއީ އަމިއްލަ ސަބަބުތަކާ ހެދި އެވެ.
ދެކުނު އެފްރިކާގެ ރީތީގެ ރާނީ މުބާރާތް މުބާރާތް ދޫކޮށްލީ ސިއްހީ ސަބަބުތަކާ ހެދި އެވެ. މިކަމާ ގުޅިގެން އޭނަ ނެރުނު ބަޔާނެއްގައި ބުނީ މިސް ޔުނިވާސްގައި ގައުމު ތަމްސީލު ކުރަން ލިބުމަކީ ޝަރަފެއް ކަމަށާއި މިއީ އަމިއްލަ ހުވަފަނެއް ވެސް ހަގީގަތަކަށް ހަދަން ލިބުނު ވަރަސް ހިތްގައިމު ދަތުރެއް ކަމަށެވެ.
ނަމަވެސް މުބާރާތުގެ އެންމެ ފަހު ވަގުތާ ހަމައައިން މުބާރާތަށް ވަކިވާން ޖެހުނި އަމިއްލަ ސިއްހީ ސަބަބުތަކަކާ ހެދި ކަމަށާއި މި ވަގުތު އެންމެ ބޮޑު އިސްކަމެއް ދޭން ޖެހިފައި ވަނީ ވެސް ސިއްހަތަށް ކަމަށް ބުންޏެވެ. އެހެންވެ މުބާރާތުން ވަކިވާން ނިންމީ ކަމަށާއި އޭނަ އަށް ދިން ލޯތްބާއި ތާއީދަށް ޝުކުރު އަދާ ކަމަށް މިއާ ބުންޏެވެ.
ކޮސޯވޯގެ ރީތީގެ ރާނީ އަށް މިސް ޔުނިވާސް އިން ވަކިވާން ޖެހުނީ އިވެންޓެއްގެ ތެރޭގައި އޭނަގެ ވާތު ފަޔަށް ލިބުނު އަނިޔާއަކާ ގުޅިގެންނެވެ. އެހެންވެ އެޑޯނާ މިހާރު ފަޔަށް ފަރުވާ ހޯދަމުންނެވެ.
އިތުރު ދެ ގައުމެއްގެ ރީތީގެ ރާނީން މުބާރާތުން ވަކިވުމާ ގުޅިގެން މިހާރު މިސް ޔުނިވާސްގައި ވާދަކުރަނީ 125 ގައުމަކުންނެވެ. މިއީ މިސް ޔުނިވާސްގެ 73 ވަނަ މުބާރާތެވެ.
މި ފަހަރުގެ މުބާރާތް ކުރިއަށް ދަނީ މެކްސިކޯގެ ވެރިރަށް މެކްސިކޯ ސިޓީގަ އެވެ. މި މުބާރާތުގައި މުޅިން އަލަށް 11 ގައުމެއް ވާދަކުރާ އިރު، އޭގެ ތެރޭގައި ރާއްޖެ ވެސް ހިމެނެ އެވެ.
މިސް ޔުނިވާސް އަކީ މިސް ވޯލްޑް ފިޔަވައި ދެން ދުނިޔޭގައި ބާއްވާ އެންމެ ބޮޑު ރީތީގެ މުބާރާތެވެ.