އައްޑޫ ސިޓީ ކައުންސިލާއި ސިޗްއާން ޕްރޮވިންސްދާ ދެމެދު އެމްއޯޔޫއެއްގައި ސޮއިކޮށްފި އެވެ.
އެ އެމްއޯޔޫގަސި ސޮއިކޮށްފައި ވަނީ މިދިޔަ ހަފުތާފައި ސިޗްއާންގައި ބޭއްވި "ސިޗްއާން އިންޓަނޭޝަނަލް ފްރެންޑްޝިޕް ސިޓީސް ކޯޕަރޭޝަން އެންޑް ޑިވެލޮޕްމަންޓް ސެންޓަރު" ގަ އެވެ.
އިދާރީތަކާ ބެހޭ މިނިސްޓަރު އާދަމް ޝަރީފް ވެސް ބައިވެރިވެވަޑައިގެންނެވި އެ ކޮންފަރެންސްގައި އައްޑޫގެ ތިން ކައުންސިލަރަކު ބައިވެރިވެވަޑައިގެންނެވި އެވެ. އެއީ މޭޔަރު އަލީ ނިޒާރާއި ޑެޕިއުޓީ މޭޔަރު މުހައްމަދު ޝުއާއުގެ އިތުރުން ހިތަދޫ ކޮރޮވަލު ދާއިރާގެ ކައުންސިލަރު އިބްރާހީމް ޝިނާޒެނެވެ.
ސިޗްއާން ޕްރޮވިންސާ އެކީ ސޮއިކުރި އެމްޔޫއޯއާ ގުޅޭ ގޮތުން ކައުންސިލުން ބުނީ މިއީ އެކި ދާއިރާތަކުން އެއްބާރުލުމާއި އެހީތެރިކަން ފޯރުކޮށް ދިނުމާ ގުޅޭ ގޮތުން ވެވުނު އެއްބަސްވުމެއް ކަމަށެވެ. އެހެންވެ މީގެ އިގުތިސާދީ ގޮތުންނާއި ސަގާފީ ގޮތުން ވެސް ގުޅިގެން މަސައްކަތްތަކެއް ކުރެވުމުގެ ފުރުސަތު ފަހިވެގެން ދާނެ ކަމަށް ކައުންސިލުން ބުންޏެވެ.
އައްޑު އަކީ މިހާރު ވެސް ދުނިޔޭގެ އެކި ހިސާބުތަކުން ގިނަ އަދަދެއްގެ ސިޓީތައް ހިމެނޭ ސްޓްރޯންގް ސިޓީސް ނެޓްވޯކްސް (އެސްސީއެން) ގެ މެންބަރެކެވެ.