މި އަހަރުގެ މިސް ޔުނިވާސްގެ މަގާމު ޑެންމާކްގެ ރީތީގެ ރާނީ ވިކްޓޯރިއާ ކެޖާ އަށް ލިިބިއްޖެ އެވެ.
އުމުރުން 21 އަހަރުގެ ރީތީގެ ރާނީގެ ބޮލުގައި ތާޖު އަޅުވައި ދިނީ މިދިޔަ އަހަރު މިސް ޔުނިވާސްގެ މަގާމަށް ހޮވުނު ނިކަރާގުއާގެ ޝޭނިސް ޕަލާޝިއޯސް އެވެ.
މެކްސިކޯގެ ވެރިރަށް މެކްސިޓީގައި މިއަދު ބޭއްވި ކުލަގަ ރަސްމިއްޔާތުގައި މިސް ޔުނިވާސްއަކަށް ޑެންމާކްގެ ރީތީގެ ރާނީ ހޮވުމާ އެކީ ގިނަ ބަޔަކު މިހާރު އަންނަނީ މަރުހަބާ ކިޔަމުންނެވެ. ޖުމްލަ 152 ގައުމަކުން ވާދަކުރި 73 ވަނަ މިސް ޔުނިވާސް މުބާރާތުގެ ދެވަނަ ލިބުނީ ނައިޖީރިއާގެ ރީތީގެ ރާނީ ޗިޑިންމާ އެޑެޓްޝީނާ އެވެ. މުބާރާތުގެ ތިނަ ވަނަ އަކީ މެކްސިކޯގެ ރީީތީގެ ރާނީ މަރާޔާ ފެނަންޑާ ބެލްޓްރާން އެވެ.
މިސް ޔުނިވާސް އަކީ މިސް ވޯލްށް ފިޔަވައި ދުނިޔޭގައި ދެވަނަ އަށް ބާއްވާ އެންމެ ބޮޑު ރީތީގެ މުބާރާތެކެވެ.
މި އަހަރުގެ މިސް ޔުނިވާސްގައި އަލަށް 11 ގައުމަކުން ވާދަކުރި އިރު، އޭގެ ތެރޭގައި ރާއްޖެ ވެސް ހިމެނެ އެވެ. މުބާރާތުގައި ރާއްޖެ ތަމްސީލުކުރީ މަރިޔަމް ޝައިނާ، 21، އެވެ.