ގުޅީފަޅު ބިންހިއްކުމުގެ މަޝްރޫއު ނިންމައިފި އެވެ.
ކޮންސްޓްރަކްޝަން މިނިސްޓްރީން ބުނީ މި މަޝްރޫޢުގެ ދަށުން ޖުމްލަ 174 ހެކްޓަރުގެ ބިން ހިއްކާފައިވާ ކަމަށެވެ.
ގުޅީފަޅު ބިން މަޝްރޫޢުގެ ފުރަތަމަ ފިޔަވަހީގެ ދަށުން 2020 ވަނަ އަހަރުގެ މާޗް މަހު 42 ހެކްޓަރުގެ ބިން ހިއްކާފައިވެ އެވެ. އަދި ދެވަނަ ފިޔަވަހީގެ ދަށުން 132 ހެކްޓަރުގެ ބިން ހިއްކައި ނިންމީ މި އަހަރުގެ އެޕްރީލް މަހުގެ ތެރޭގަ އެވެ.
މީގެ އިތުރުން މަޝްރޫޢުގެ ތެރެއިން ގޮނޑުދޮށް ޙިމާޔަތްކުރުމުގެ މަސައްކަތްތައް ވެސް ކުރިއަށްދާ ކަމަށް މިނިސްޓްރީން ބުންޏެވެ. މިގޮތުން މިހާތަނަށް 2.66 ކިލޯ މީޓަރުގެ ސަރަޙައްދެއްގައި ގޮނޑުދޮށް ޙިމާޔަތްކުރުމުގެ މަސައްކަތް ވަނީ ނިންމައިފަ އެވެ.
ގުޅީފަޅު ބިން ހިއްކުމުގެ މަޝްރޫޢަކީ ވެރިރަށް މާލޭގެ ބިމުގެ ދަތިކަން ޙައްލުކުރުމަށް ސަރުކާރުން ކުރިއަށް ގެންދާ އެންމެ ބޮޑު އެއް މަޝްރޫޢެވެ. މި މަޝްރޫޢު ނިމުމުން، މާލޭގެ ބިމުގެ ބޮޑުމިނަށް ބޮޑު ބަދަލެއް އަންނާނެ ކަމަށް ކޮންސްޓްރަކްޝަން މިނިސްޓްރީން ބުންޏެވެ.
މިއާ އެކީ މާލެ ސަރަހައްދަށް ބޯހިޔާވަހިކަމާއި ވިޔަފާރީގެ ފުރުޞަތުތައް ވެސް އިތުރުބެގެން ދާނެ އެވެ. މާލޭގެ ބައެއް ރައްޔިތުންނަށް ގުޅީފަޅުން ގޯތި ދޫކޮށްފައިވެ އެވެ.