މި ސަރުކާރަށް އަހަރެއްވީއިރު ރައްޔިތުން ތިބީ ހާސްކަމުގެ ތެރޭގައި ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
ޝާހިދު "އެކްސް"ގައި ކުރެއްވި ޕޯސްޓެއްގައި ވިދާޅުވީ ޕީއެންސީ ސަރުކާރަށް އެއް އަހަރުވީއިރު ރައްޔިތުން ތިބީ ކަންބޮޑުވުމާ ހާސްކަމުގައި ކަމަށެވެ.
"ސަރުކާރުގެ އަމާޒެއް ނެތް. ސިޔާސަތެއް ނެތް. އުއްމީދެއް ނެތް،" ޝާހިދު ވިދާޅުވި އެވެ.
މި ސަރުކާރަށް މިއަދު އަހަރެއްވެގެން ދިޔައިރު އިދިކޮޅު އެމްޑީޕީން ގެންދަނީ ސަރުކާރުގެ ސިޔާސަތުތަކަށް ވަރަށް ބޮޑަށް ފާޑު ކިޔަމުންނެވެ.
ނަމަވެސް ސަރުކާރަށް ތާއީދުކުރާ ފަރާތްތަކުން އަންނަނީ އިގްތިސާދީ ދަތިކަމުގެ ތެރޭގައި ވެސް ސަރުކާރުން އެއް އަހަރުތެރޭ ގިނަ ކާމިޔާބީތަކެއް ހޯދާފައިވާ ކަމަށް ބުނަމުންނެވެ. އަދި އަންނަ އަހަރު ވެގެންދާނީ ތަރައްގީގެ ބިޔަ މަޝްރޫއުތައް ފެށިގެންދާނެ އަހަރު ކަމަށް ސަރުކާރުން ބުނެ އެވެ.