މީޑިއާގެ ދާއިރާގައި މަސައްކަތްކުރާ އޮސްޓްރޭލިއާގެ ނުފޫޒު ގަދަ ދުވަސްވީ މީހެއްގެ މައްޗަށް ފިރިހެނުންތަކަކާ ބެހިގެން ކުރެވިފައިވާ ތުހުމަތުތަކާ ގުޅިގެން މިއަދު ހައްޔަރުކޮށްފި އެވެ.
މީޑިއާތަކުން ބުނީ ސިޑްނީގެ ސާކިއުލާ ކުއޭގެ އެޕާޓްމަންޓަކުން ހައްޔަރުކުރީ އެލަން ޖޯންސް، 83، ކަމަށެވެ. އޭނަ އަކީ އޮސްޓްރޭލިއާގެ ތަޖުރިބާކާރު ރޭޑިއޯ ޕްރެޒެންޓަރެއްގެ އިތުރުން ގައުމީ ރަގްބީ ޓީމްގެ ކުރީގެ ކޯޗެއް ވެސް މެ އެވެ. ޓީޗަރެއްގެ ގޮތުގައި ވެސް އެލަން މަސަައްކަތްކޮށްފައިވެ އެވެ.
ފިރިހެނުންތަކަކާ ބެހުނުކަމުގެ ތުހުމަތުގައި އެލަން ހައްޔަރުކޮށް، އޭނަގެ މައްޗަށް މިހާރު ވަނީ 24 ދައުވާއެއް ވެސް އުފުލައިފަ އެވެ. މި މައްސަލައިގައި އޭނަގެ މައްޗަށް ކުރާ ދައުވާތަކުގެ ފުރަތަމަ އަޑުއެހުން މިހާރު ވަނީ އަންނަ މަހުގެ 18 އަށް ތާވަލު ވެސް ކޮށްފަ އެވެ.
އެލަމް ފިރހެނުންތަކަކާ ބެހިފައިވާ ކަމަށް ބުނެފައި ވަނީ 2001-2019 އާ ދޭތެރޭގަ އެވެ.
އޭނަގެ މައްޗަށް މިފަދަ ތުހުމަތުތަކެއް އެންމެ ފުރަތަމަ ކުރެވުނީ މިދިޔަ އަހަރުގެ ތެރޭގަ އެވެ. އަދި އެ ވާހަކަތައް ސިޑްނީ މޯނިން ހެރަލްޑްގައި ގެނެސްދިނުމާ ގުޅިގެން، އެ ތުހުމަތުތައް އެލަން ދޮގުކޮށްފައިވެ އެވެ.