މާލޭގައި އިމާރާތް ކުރަން ނިންމި ދެވަނަ ވަގްފު އިމާރާތް "ދާރުލް އަރުޤަމް" ގެ ޑިޒައިނިން މަސައްކަތް ކުންފުންޏަކާ ހަވާލުކޮށްފި އެވެ.
އިސްލާމިކް މިނިސްޓްރީން އެ މަސައްކަތް ހަވާލުކުރީ އީޕޮކް އެސޯސިއޭޓްސްއާ އެވެ.
އެކަމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުޙައްމަދު ޝަހީމް އަލީ ސަޢީދުއެވެ.
ޝަހީމް ވިދާޅުވީ މި ވަގްފު އިމާރާތުގެ ކުރެހުން ވީހާ ވެސް އަވަހަކަށް ނިންމައި އަންނަ އަހަރުގެ ކުރީކޮޅު އިމާރާތުގެ އަމަލީ މަސައްކަތް ފެށުމަށް އަމާޒު ހިފާފައިވާ ކަމަށެވެ. އަދި މިއީ މިނިސްޓްރީން ކުރިއަށް ގެންދަން ނިންމާފައި އޮތް އެންމެ ބޮޑު އެއް މަޝްރޫޢު ކަމަށް މިނިސްޓަރު ވިދާޅުވި އެވެ.
ރައީސް ޑރ. މުހައްމަދު މުއިއްޒުގެ ވެރިކަމުގެ މި ދައުރުގައި އިސްލާމިކް މިނިސްޓްރީން ވަނީ "ދާރުލް އަރުޤަމް" ގެ އިތުރުން ހުޅުމާލޭގައި ވެސް "ދާރުއްސަލާމްގެ ނަމުގައި ވަގްފު އިމާރާތެއް އަޅަން ނިންމައިފަ އެވެ.
ވަޤުފް އިމާރާތުގެ މަޝްރޫޢެވެ. މި މަޝްރޫޢުތައް ކާމިޔާބުކަމާއެކު ނިންމާލެވުމަށް އިސްލާމީ ކަންތައްތަކާ ބެހޭ ވުޒާރާގެ ބަޖެޓަށް ބޮޑު ލުއެއް ލިބިގެންދާނެކަން އެ ވުޒާރާއިން ވިދާޅުވިއެވެ.
ރާއްޖޭގައި މިވަގުތު ހުރީ އެންމެ ވަގްފް އެންމެ އިމާރާތެކެވެ. އެއީ ޝަހީމްގެ މިނިސްޓަރުކަމުުގައި ކުރީގެ ރައީސް އަބްދުﷲ ޔާމީންގެ ވެރިލަމުގައި ބިނާކުރި "ދާރުލް އީމާން" އެވެ. ނުވަ ބުރީގެ އެ އިމާރާތް ހުޅުވީ ޖެނުއަރީ 12، 2017 ގަ އެވެ.
މިނިސްޓްރީން ވަނީ މުޅި ރާއްޖެ އަށް ވަގުފް މަޝްރޫއުޔައް ފުޅާ ކުރަން ނިންމައި، އޭގެ ބައެއް މަޝްރޫއުތަކުގައި ސޮއި ވެސް ކޮށްފަ އެވެ.