ބޯކޮށް ވާރޭ ވެހި މާލޭގެ ބައެއް މަގުތަކުގައި ފެންބޮޑުވުމާ ގުޅިގެން ސިފައިން ފެން ހިއްކުމުގެ މަސައްކަތް ކުރިއަށް އެބަ ގެންދެ އެވެެ.
ރޭ ފަތިހުން ފެށިގެން މާލެ އަންނަނީ ބޯކޮށް ވާރޭ ވެހެމުންނެވެ. މާލެ އަކީ ބޯކޮށް ވާރޭ ވެހިއްޖެ ނަމަ އަބަދު ވެސް ފެންބޮޑުވުމުގެ މައްސަލަ ވަރަށް ބޮޑަށް ކުރިވަަމުން އަންނަ ސިޓީއެކެވެ. މީގެ ސަބަބުން ވެރިރަށުގައި އުޅޭ އެތައް ހާސް ބަޔަކަށް ބޮޑެޔި ދަތިތަކާ ކުރިމަތިލާން ޖެހެ އެވެ.
މާލެއަށް ބޯކޮށް ވާރޭ ވެހި ބައެއް މަގުތަކުގައި ފެންބޮޑުވުމާ ގުޅިގެން، ފެން ހިންދުމުގައި އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ދަނީ ހަރަކާތްތެރިވަމުން. pic.twitter.com/j4gfStTwKA
— Maldives National Defence Force (@MNDF_Official) November 18, 2024
މިހާރު މުޅި ރާއްޖެ އަށް ވެސް މޫސުން ގޯސްވެފައިވާ އިރު މިއަދު ބައެއް އަތޮޅުތަކަށް ވަނީ ޔެލޯ އެލާޓް ވެސް ނެރެފަ އެވެ.
މޫސުމާ ބެހޭ އިދާރާ އިން މިއަދު ބުނީ މި ދުވަސްވަރަކީ ދެ މޫސުން ބެދޭ ދުވަަސްވަރު ކަމަށާއި އެހެންވެ އެކަމުގެ ސަބަބުން ވިއްސާރަ ކުރަމުންދާނެ ކަމަށެވެ. އަދި ކުރިއަށް އޮތް ތިން ދުވަހު ވެސް ރާއްޖޭގެ އެކި ސަރަހައްދުތަކަށް ވިއްސާރަ ކުރާނެ ކަމަށް ބުންޏެވެ.