މިދިޔަ ސެޕްޓެމްބަރު މަހު ރިލީޒްކުރަން ތައްޔާރުވަމުން ދަނިކޮށް ފިލްމާ ދެކޮޅަށް ކޯޓަށް ހުށަހެޅި ބައެއް މައްސަލަތަކާއި ފިލްމު ސެންސަރު ބޯޑްގައި ވެސް ތާށިވުން ފަދަ ސަބަބުތަކާ ހެދި ގެނެސްދިނުން ލަސްވި ބަތަލާ ކަންގަނާ ރަނާވަތުގެ ފިލްމު "އިމަޖެންސީ" އަންނަ އަހަރު އަޅުުވަން ނިންމައިފި އެވެ.
ފިލްމުގެ އާ ޕޯސްޓަރާ އެކީ މިއަދު ބުނީ މިހާރު ފިލްމު ސިނަމާތަކަށް ގެންނަން ނިންމާފައި ވަނީ އަންނަ އަހަރުގެ ޖެނުއަރީ 17 ގައި ކަމަށެވެ.
"އިމަޖެންސީ" އަކީ އިންޑިއާގެ ކުރީގެ ބޮޑުވަޒީރު އިންދިރާގެ ވެރިކަމުގައި މަސްރަހު ހޫނުވެ، ގައުމު ހަލަބޮލިވެ އިއުލާންކުރި ކުއްލި ހާލަތަށް ބިނާކޮށް ހަދާފައިވާ ބައޮގްރަފިކަލް ޕޮލިޓިކަލް ޑްރާމާއެވެ. ކަންގަނާ ޕްރޮޑިއުސްކޮށް، ޑައިރެކްޓް ވެސް ކުރި ފިލްމުގައި އޭނަ ކުޅެފައި ވަނީ އިންދިރާގެ ރޯލެވެ.
މީގެ ކާސްޓްގައި އަނޫޕަމް ކޭރް، މަހީމާ ޗައުދަރީ، ޝްރެޔަސް ތަލްޕަޅޭ، މިލިންދު ސޯމަން، ވިޝާލް ނައިރް އަދި މަރުވެފައިވާ އެކްޓަރު ސަތިޝް ކޯޝިކް ހިމެނެ އެވެ.